Σεράντα μήλα

Προβολή Τραγουδιού

Καλλιτέχνες: Γιώργος Ατματσίδης, Χρήστος Χολίδης

Σεράντα μήλα κόκκινα 
[πουλί μ’/γιαβρί μ’]
σ’ ένα μαντίλ’ δεμένα
Σεράντα σέβντας κι αν ευτάς 
[πουλί μ’/γιαβρί μ’]
’κ’ ευρήκ’ς άμον έμενα

Για έλα, έλα, πουλί μ’,
μετ’ εμέν έλα, γιάβρι μ’
Ατό τ’ ομματοτέρεμα σ’, πουλί μ’
θα σύρ’ και παίρ’ τ’ αχούλι μ’

Σεράντα μήλα κόκκινα 
[πουλί μ’/γιάβρι μ’]
ση σειράν τιζεμένα
Έπαρ’, αρνί μ’, και τη στράταν 
[πουλί μ’/γιάβρι μ’]
ντο θα φέρ’ -τ- σε σ’ εμένα

Για έλα, έλα, πουλί μ’,
μετ’ εμέν έλα, γιάβρι μ’
Ατό τ’ ομματοτέρεμα σ’, πουλί μ’
θα σύρ’ και παίρ’ τ’ αχούλι μ’

Τ’ ομμάτι͜α σ’ ας σον ουρανόν 
[πουλί μ’/γιαβρί μ’]
αστρόπα κατηβάζ’νε
Πόσα καρδόπα έκαψες 
[πουλί μ’/γιαβρί μ’]
και πόσα αναστενάζ’νε;

Για έλα, έλα, πουλί μ’,
μετ’ εμέν έλα, γιάβρι μ’
Ατό τ’ ομματοτέρεμα σ’, πουλί μ’
θα σύρ’ και παίρ’ τ’ αχούλι μ’

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
αναστενάζ’νε	αναστενάζουν
αστρόπα	αστεράκια
αχούλι	μυαλό	akıl/ʿaḳl
γιαβρί	μωρό, μικρό, παιδί	yavru
γιάβρι	μωρό, μικρό, παιδί	yavru
έπαρ’	(προστ.) πάρε
ευρήκ’ς	βρίσκεις
ευτάς	κάνεις, φτιάχνεις	εὐθειάζω
’κ’	δεν	οὐκί<οὐχί
καρδόπα	καρδούλες
κατηβάζ’νε	κατεβάζουν
μετ’	μαζί με (με αιτιατική), με (τρόπος)
ομμάτι͜α	μάτια
ομματοτέρεμα	βλέμμα, ματιά
παίρ’	παίρνω/ει
σέβντας	(πληθ. τα) αγάπες, έρωτες	sevda/sevdā
σεράντα	σαράντα
σύρ’	σύρω/ει, τραβάω/ει, ρίχνω/ει
τιζεμένα	αραδιασμένα, βαλμένα στη σειρά	dizmek
φέρ’	φέρνω/ει