Σούλα μ’, το φιστανόπο σου

Προβολή Τραγουδιού

Καλλιτέχνες: Παναγιώτης Ασλανίδης, Παύλος Καλαϊτζίδης

Σούλα μ’,το φιστανόπο σου
τέσσερα-πέντε πήχεις
Ολόερα ξάι μη τερείς,
σο γιάνι σ’ έν’ η τύχη σ’

«Σούλα μ’» λέγω και κάθουμαι,
«Σούλα μ’» λέγω και σ’κούμαι
Την Σούλαν αν ’κι δί’τε με
θα ρούζω και σκοτούμαι

Σούλα μ’, τα τέρτι͜α μ’ είν’ πολλά
φαρμακών’νε το ψ̌όπο μ’
’Κι αφήν’νε με να χ̌αίρουμαι
και μετ’ εσέν, πουλόπο μ’

Γλωσσάρι

Κείμενο	Επεξήγηση	Ετυμ. Ρίζα
αφήν’νε	αφήνουν
γιάνι	πλάι, πλευρό	yan
δί’τε	δίνετε
είν’	(για πληθ.) είναι
έν’	είναι
’κι	δεν	οὐκί<οὐχί
μετ’	μαζί με (με αιτιατική), με (τρόπος)
ξάι	καθόλου
ολόερα	ολόγυρα
πολλά	(επίθ.) πολλά, (επίρρ.) πολύ
πουλόπο	πουλάκι
ρούζω	πέφτω, ρίπτω
σκοτούμαι	σκοτώνομαι
σ’κούμαι	σηκώνομαι
τερείς	κοιτάς
τέρτι͜α	καημοί, βάσανα, στενοχώριες	dert
φαρμακών’νε	φαρμακώνουν
φιστανόπο	φουστανάκι	fistan<fustān
χ̌αίρουμαι	χαίρομαι
ψ̌όπο	ψυχούλα