Ο Χρύσανθον Καρσλή παιδίν

Προβολή Τραγουδιού

Καλλιτέχνες: Θεόδωρος Βεροιώτης, Θεόδωρος Θεοδωρίδης

Ο Χρύσανθον Καρσλή παιδίν
κι ο Γώγον Κρωμετίων
Ατείν’ οι δύος ένοιξαν
ποντιακόν σχολείον

Χρύσανθε, κι αν επέθανες
εφέκες κληρονομίαν
Τα τραγωδίας τη Καρσί’
και αηδονί’ λαλίαν

Χιλιάδες κόσμος έρθανε
να λένε σε «αντίο»
Τρανοί, μικροί ούλ’ έκλαιγαν
ως το νεκροταφείον

Έτρεξαν όλ’ οι Πόντιοι,
Χρύσανθε, σην κηδεία σ’
Κεμεντζ̌ετσ̌ήδες έπαιξαν
τ’ εσά τα τραγωδίας

Χρύσανθε, εγληγόρεσες,
είμ’ ο αδερφό σ’ ο Τότον!
Θα έρχουμαι ευρήκω σε,
ετοίμασον τον τόπον

Γλωσσάρι

Κείμενο	Επεξήγηση	Ετυμ. Ρίζα
αηδονί’	αηδονιού
ατείν’	αυτοί
δύος	δύο
εγληγόρεσες	βιάστηκες
ένοιξαν	άνοιξαν
επέθανες	πέθανες
έρθανε	ήρθαν
έρχουμαι	έρχομαι
εσά	δικά σου/σας
ετοίμασον	(προστ.) ετοίμασε
ευρήκω	βρίσκω
εφέκες	άφησες
Καρσί’	του Καρς
κεμεντζ̌ετσ̌ήδες	λυράρηδες	kemençeci
λαλίαν	λαλιά, φωνή
όλ’	όλοι/α
ούλ’	όλοι
τραγωδίας	τραγούδια