Ευκλείδης

Προβολή Τραγουδιού

Καλλιτέχνες: Ορχήστρα 1919

Ας αρχινώ και λέγω σας
ολίγα μοιρολόγια,
Ούσνα τελένω μη κλαίτεν
ντο θ’ ακούτεν τα λόγια

Σα χ̌ίλι͜α εννιακόσια
τράντ’ εφτά τη χρονίαν
Μετά τ’ αε-Χαραλαμπί’
και ημερομηνίαν
Ε! μαύρε καπιτάνε μ’!

Σα έντεκα τ’ αε-Βλασί’
Ευκλείδης εσκοτώθεν
Π’ έκ’σεν το μαύρον το χαπάρ’
τα ραχ̌ι͜ά εφορτώθεν
Ε! καπιτάνε μ’, Ευκλείδη!

Πού είσαι, μαύρε Κύρτογλη,
καπιτάνε μ’ Ευκλείδη;
Αραεύ’ σε όλιον ο κόσμον,
οι συγγενείς κι οι φίλοι
Ε! μαύρε καπιτάνε μ’!

Γλωσσάρι

Κείμενο	Επεξήγηση	Ετυμ. Ρίζα
αε-Βλασί’	Αγίου Βλασίου
αε-Χαραλαμπί’	αγίου Χαράλαμπου
αραεύ’	ψάχνω/ει, αναζητώ/άει, γυρεύω/ει	aramak
έκ’σεν	άκουσε
εσκοτώθεν	σκοτώθηκε
εφορτώθεν	φορτώθηκε
καπιτάνε	καπετάνιε
μετά	(με αιτιατική) συνοδεία, μαζί με
όλιον	όλο, ολόκληρο
ούσνα	μέχρι που, έως ότου
ραχ̌ι͜ά	ράχες, βουνά
τελένω	(μεταβ.) τελειώνω κτ
τράντ’	τριάντα
χαπάρ’	χαμπάρι, είδηση, μαντάτο	haber/ḫaber
χρονίαν	χρονιά