Παιδί μ’, παιδί μ’, τ’ εμόν γιαβρίν

Εσέν εδέκε με ο Θεόν
ση καρδι͜άς ι-μ’ το χτύπον
[Ν’ αϊλί εμέν τον πατέραν!]
Παιδί μ’, γιαβρί μ’ και ορφανό μ’,
το ριζικό σ’ αΐκον
[Ν’ αϊλί εμέν τον πατέραν!]

Παιδί μ’, παιδί μ’, τ’ εμόν γιαβρίν,
π’ εδέβες μαύρα ημέρας
Εγώ θα είμαι για τ’ εσέν
και μάνα και πατέρας
[Ν’ αϊλί εμέν τον πατέρα σ’!]

Πουλί μ’, τ’ ομμάτι͜α σ’ τ’ έμορφα
εμέν όντες τερούνε
[Ν’ αϊλί εμέν τον πατέραν!]
Νουνίζω ατέν που έφυεν
κι εμέν παρηγορούνε
[Ν’ αϊλί εμέν τον πατέραν!]

Παιδί μ’, παιδί μ’, τ’ εμόν γιαβρίν,
π’ εδέβες μαύρα ημέρας
Εγώ θα είμαι για τ’ εσέν
και μάνα και πατέρας
[Ν’ αϊλί εμέν τον πατέρα σ’!]

Εσύ θα δί’ς με ξαν ζωήν,
για ’σέν θα ζω, πουλόπο μ’
[Ν’ αϊλί εμέν τον πατέρα σ’!]
Σουμά σ’ εγώ θα ευρίουμαι
ους να εβγαίν’ το ψ̌όπο μ’
[Ν’ αϊλί εμέν τον πατέρα σ’!]

Παιδί μ’, παιδί μ’, τ’ εμόν γιαβρίν,
π’ εδέβες μαύρα ημέρας
Εγώ θα είμαι για τ’ εσέν
και μάνα και πατέρας
[Ν’ αϊλί εμέν τον πατέρα σ’!]