Με το να είμαι ορφανός

Με το να είμαι ορφανόν
[τσ̌άνουμ, γιαρ]
με το να ’κ’ έχω βίον [λέω]
Εσέν θα πεσλι͜αεύω σε
[τσ̌άνουμ, γιαρ]
ας σον κύρη σ’ καλλίον [λέω]

Τσ̌άνουμ, τσ̌άνουμ, νε κορτσόπον, [λέω]
κατήβα σο πεγαδόπον [λέω]
Φέρον με κρύον νερόπον [λέω]
με το τσ̌αμουρένεν το τεστόπον [λέω]
για τ’ εμόν το χατιρόπον [λέω]

Με το να είμαι ορφανός
[τσ̌άνουμ, γιαρ]
με το να ’κ’ έχω μάναν [λέω]
Εσέν θα πεσλι͜αεύω σε
[τσ̌άνουμ, γιαρ]
με τη πουλί’ το γάλα [λέω]

Τσ̌άνουμ, τσ̌άνουμ, νε κορτσόπον, [λέω]
κατήβα σο πεγαδόπον [λέω]
Φέρον με κρύον νερόπον [λέω]
με το τσ̌αμουρένεν το τεστόπον [λέω]
για τ’ εμόν το χατιρόπον [λέω]

Εγώ νερόν ’ψαλάφεσα,
[τσ̌άνουμ, γιαρ]
ατέ εμέν χολήν εδέκεν
Σο έρημον το καρδόπο μ’
[τσ̌άνουμ, γιαρ]
ατέ τρανόν γεράν εφέκεν

Τσ̌άνουμ, τσ̌άνουμ, νε κορτσόπον, [λέω]
κατήβα σο πεγαδόπον [λέω]
Φέρον με κρύον νερόπον [λέω]
με το τσ̌αμουρένεν το τεστόπον [λέω]
για τ’ εμόν το χατιρόπον [λέω]