Ποντιακός Στίχος

Προβολή Τραγουδιού

Κατεβάστε τους στίχους σε PDF

Πουλί μ’, θα αποχωρίουμες

Ας σον Πόντον και πέραΑς σον Πόντον και πέρα

Στιχουργοί: Γιώργος Ιντζιάδης

Συνθέτες: Παραδοσιακό

Καλλιτέχνες: Αλέξανδρος Ιντζιάδης, Γιώργος Σεβαστόπουλος


Πουλί μ’, θα αποχωρίουμες,
με τα δύο καρδίας
Γεράν σο ψ̌όπο μ’ ένοιξες,
απέσ’ σην ξενιτείαν

Τα στράτας ντ’ επορπάτεσα,
τα ποδάρι͜α μ’ ντ’ εγράσταν
και για τ’ εσόν-α τη σεβντάν
καμίαν ’κ’ ενεγκάστα

Τα νεότητα μ’ έφαγα
κι η ψ̌η μ’, καρδι͜ά μ’, επέμ’νε
Τα στούδι͜α μ’ ετελέθανε
και σην ράχ̌ι͜α μ’ σαρεύ’νε

Πουλί μ’, μη βασανίεσαι
και μη τρως την υγεία σ’
τα χρόνια μ’ ντο εδέβανε
χωρίς παρηγορίαν
Γλωσσάρι
ΚείμενοΕπεξήγησηΕτυμ. ΡίζαΠροέλευση
απέσ’μέσα
αποχωρίουμεςαποχωριζόμαστε
γεράνπληγή, τραύμα yara
εγράστανφθάρηκαν, έλιωσαν γράνω/γραίνω (=ροκανίζω, κατατρώγω)
εδέβανε(για τόπο) πέρασαν, διέσχισαν (για χρόνο) πέρασαν διαβαίνω
ενεγκάστακουράστηκα
ένοιξεςάνοιξες
επέμ’νεαπόμεινε
επορπάτεσαπερπάτησα
εσόνδικός/ή/ό σου
ετελέθανε(αμτβ.) τελείωσαν, εξαντλήθηκαν, μτφ. πέθαναν
’κ’δεν οὐκί<οὐχί
καμίανποτέ
καρδίας(τη, γεν.) καρδιάς, (τα, ονομ. πληθ.) καρδιές
νεότητανιότη, νιάτα
παρηγορίανπαρηγοριά
ποδάρι͜απόδια
ράχ̌ι͜αράχη, πλάτη
σαρεύ’νετυλίγουν, περικυκλώνουν, εναγκαλίζονται, μτφ. αρέσουν σε sarmak
σεβντάναγάπη, έρωτα sevda/sevdā
στούδι͜αοστά, κόκκαλα ὀστοῦν~οστούδιον
στράτας(ονομ.) δρόμοι, (αιτ.) δρόμους
ψ̌ηψυχή
ψ̌όποψυχούλα

Ποντιακός Στίχος - Pontian Lyrics 2025

Τραγούδια: 9577 | Albums/Singles: 1696 | Συντελεστές: 1997 | Λήμματα: 15802
Επικοινωνία: infoDUMMY@pontianlyrics.gr