Αδέλφι μ’, πού να ευρίεσαι;

Προβολή Τραγουδιού

[Αχ! Και -ν] Οσήμερον τ’ ομματόπα μ’ 
[άι! και -ν-] η καρδά̤ μ’ έν’ κλαμένον
[Ωχ, πουλίκα μ’, ωχ]
[Αχ! Και] Για τ’ αδέλφι μ’ τραγωδώ
[άι!] που έχ’ ατονε χαμένον
[Ωχ! Σ̌ιχούνα μου!]

[Αχ! Και -ν] Ας έξερα πού ευρίεται
[άι! και -ν] άμον λιοντάρ’ να τρέχω
[Ωχ! πουλίκα μ’, ωχ!]
[ωχ! και] ν’ ευρήκ’ ατον να λέγ’ ατον
[άι! και -ν-] «εσέν αδελφό μ’ έχω!» [νε]
[Ωχ! Πουλίκα μ’!]

[Αχ! Και -ν] Αδέλφι μ’ πού να ευρίεσαι
[άι! και -ν-] εσέναν αραεύω [νε]
[Ωχ, πουλίκα μ’, ωχ]
[Αχ! Και] Για την εντάμωσην τ’ εσόν
[άι! και] τον κόσμον θα γυρεύω
[Ωχ! πουλίκα μ’, ωχ!]

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
αραεύω	ψάχνω, αναζητώ, γυρεύω	aramak
ατονε	αυτόν
γυρεύω	επαιτώ, ζητιανεύω
έν’	είναι
έξερα	ήξερα
εσόν	δικός/ή/ό σου
ευρήκ’	βρίσκω/ει
ευρίεσαι	βρίσκεσαι
ευρίεται	βρίσκεται
καρδά̤	καρδιά
ομματόπα	ματάκια
οσήμερον	σήμερα
πουλίκα	πουλάκι
Σ̌ιχούνα	γυναικείο όνομα
τραγωδώ	τραγουδάω