Ποντιακός Στίχος

Προβολή Τραγουδιού

Κατεβάστε τους στίχους σε PDF

Τη πατέρα συμβουλή

Απάν’ σο ΜπέλεςΑπάν’ σο Μπέλες

Στιχουργοί: Τάκης Παπαδόπουλος

Συνθέτες: Γιάννης Τσανάκαλης

Καλλιτέχνες: Γιάννης Τσανάκαλης, Τάκης Παπαδόπουλος


Ψεύτικον έν’ ο κόσμος,
ε! πουλί μ’, η ζωή
Άλλ’ έρ’τανε κι άλλ’ πάνε
όλ’ είν’ περαστικοί!

Άμον το λουλουδόπον
την άνοιξην π’ ανοί’
το μοθοπώρ’ θα χάται,
αέτσ’ έν’ η ζωή

Θα ’βρήκ’ς πολλά φαρμάκια
και καλώς και κακώς
Εσύ το γέλιον δος ατ’ς
τον πατέρα σ’ αν ακούς

Κρύον νερόπον πότ’σον
τοι φίλτς και τοι εχθρούς
Κρύον νερόπον πότ’σον
τοι φίλτς και τοι εχθρούς

Ατά όλα̤ ντο είπα
και όλα̤ ντο ακούς
Τη πατέρα σ’ τα λόγια
να έ͜εις ατα σο νου σ’

Κι όταν θα έρ’ται η ώρα
και θα εβγών’ η ψ̌η μ’
Θα τσουπώνω τ’ ομμάτα̤ μ’
με καθαρόν κατσίν
Γλωσσάρι
ΚείμενοΕπεξήγησηΕτυμ. ΡίζαΠροέλευση
αέτσ’έτσι
άμονσαν, όπως, καθώς ἅμα
ανοί’ανοίγει
ατάαυτά
ατααυτά
ατ’ςαυτής, της
’βρήκ’ς(ευρήκ’ς) βρίσκεις
δοςδώσε
έ͜ειςέχεις
εβγών’βγαίνει
είν’(για πληθ.) είναι
έν’είναι
έρ’ταιέρχεται
έρ’τανεέρχονται
κατσίνπρόσωπο, μέτωπο
λουλουδόπονλουλουδάκι
μοθοπώρ’φθινόπωρο
νερόποννεράκι
όλ’όλοι/α
ομμάτα̤μάτια
πολλά(επίθ.) πολλά, (επίρρ.) πολύ
πότ’σον(προστ.) πότισε
τοιτους/τις
τσουπώνωκλείνω
φίλτςφίλους
χάταιχάνεται
ψ̌ηψυχή

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15822
Επικοινωνία: infoDUMMY@pontianlyrics.gr