Το χουμάρ’

Προβολή Τραγουδιού

Καλλιτέχνες: Λάμπης Αναστασιάδης, Σοφία Παπαδοπούλου

Παρακαλώ σε, πουλόπο μ’,
τη μάνα σ’ ’κι νουνίζεις;
Ντό παί͜εις αβούτο το χουμάρ’
και τα μωρά σ’ κλαινίζεις;

♫

Τη Γερμανίας η παρά
εβγαίν’ ας σο γατράνιν
Πάν’ κάθουνταν και δίν’ ατα
το βράδον σο χουμάριν

Ση Γερμανίαν έρθαμε
αντρόγυνα ζευγάρι͜α
Εχάλασαν τ’ οσπίτι͜α τουν
κι ερρούξαν σα χουμάρι͜α

Τη χουμαρί’ το παίξιμον,
το σύρσιμον τη ζαρί’
εχώρτσεν και τ’ αντρόγυνα
εξέγκεν σο παζάρι

Πουλί μ’, παρακαλώ εσέν
μη παί͜εις και το χουμάριν
Εσύ -ν- εβγάλτς και την παράν
και τρώγ’ν’ ατο οι άλλοι

Γλωσσάρι

Κείμενο	Επεξήγηση	Ετυμ. Ρίζα
αβούτο	αυτό
ατα	αυτά
βράδον	βράδυ
γατράνιν	πίσσα, κατράμι	katran/ḳaṭrān
εβγαίν’	βγαίνει
εβγάλτς	βγάζεις
εξέγκεν	έβγαλε
έρθαμε	ήρθαμε
ερρούξαν	έπεσαν
εχώρτσεν	χώρισε, ξεχώρισε, διάλεξε
ζαρί’	ζαριού
κάθουνταν	κάθονται
’κι	δεν	οὐκί<οὐχί
οσπίτι͜α	σπίτια	hospitium<hospes
παί͜εις	παίζεις
παρά	λεφτά, το χρήμα	para/pāre
παράν	λεφτά, το χρήμα	para/pāre
πουλόπο	πουλάκι
σύρσιμον	σύρσιμο, τράβηγμα, ρίξιμο, μτφ. απαγωγή
τουν	τους
τρώγ’ν’	τρώνε
χουμάρ’	κουμάρι, τυχερό παιχνίδι	kumar/ḳimār
χουμαρί’	κουμαριού	kumar/ḳimār
χουμάρι͜α	κουμάρια, τυχερά παίγνια	kumar/ḳimār
χουμάριν	κουμάρι, τυχερό παιχνίδι	kumar/ḳimār