Σεβνταλής

Προβολή Τραγουδιού

Στιχουργοί: Μαρία Αθανασιάδου-Ποικιλίδου

Καλλιτέχνες: Μπάμπης Καστρινόπουλος, Μπάμπης Κεμανετζίδης

Παίρτς την ψ̌η μ’ όντες τερείς,
εσύ μόνον εγνωρί͜εις
μετ’ ατά τεσά τ’ ομμάτι͜α
ντ’ ογραεύω ο σεβνταλής

Τα χ̌είλι͜α σ’ όντες φιλώ,
λύουμαι, εθα̤ρρείς μεθώ
Έρ’ται με κρατώ τον κόσμον
τα μὲσα σ’ όντες κρατώ

Έναν κι έναν μετ’ εσέν
πάγω κι όθεν θέλτς ας έν’
Φως σ’ ομμάτι͜α μ’ είν’ τ’ ομμάτι͜α σ’,
για τ’ εμέν ήλιος μ’ εβγαίν’

Γλωσσάρι

Κείμενο	Επεξήγηση	Ετυμ. Ρίζα
ατά	αυτά
εβγαίν’	βγαίνει
εγνωρί͜εις	γνωρίζεις
εθα̤ρρείς	θαρρείς, νομίζεις
είν’	(για πληθ.) είναι
έν’	είναι
έρ’ται	έρχεται
έρ’ται με	μου έρχεται, μου φαίνεται
θέλτς	θέλεις
λύουμαι	λιώνω
μὲσα	(τα) η μέση
μετ’	μαζί με (με αιτιατική), με (τρόπος)
ογραεύω	περνώ, υποφέρω	uğramak
όθεν	όπου, οπουδήποτε, σε όποιον
ομμάτι͜α	μάτια
όντες	όταν
παίρτς	παίρνεις
σεβνταλής	ερωτοχτυπημένος, ερωτευμένος	sevdalı
τερείς	κοιτάς
ψ̌η	ψυχή