Έλα, πουλί μ’, ας σα μακρά

Προβολή Τραγουδιού

Η ποντιακή παράδοση συνεχίζεται με τον Μιχάλη Καλιοντζίδη

Καλλιτέχνες: Μιχάλης Καλιοντζίδης, Σοφία Παπαδοπούλου

Έλα, πουλί μ’, ας σα μακρά
κι ας σα μακρά τα μέρι͜α
Πουλί μ’, έλα -ν- ας σα μακρά
κι ας σα μακρά τα μέρι͜α
[Όι! Κι] Αν ’κ’ επορείς να έρχ̌εσαι
στείλον καλά χαπέρι͜α

Δύο κορτσόπα -ν- έμορφα
εσώρευαν μανίτας
Εκαταρούσαν κι έλεγαν
να χάται ο Ζυγανίτας¹

Ο ουρανόν ελίβωσεν
και -ν- έσ’κωσεν τα τόζι͜α
Μίαν κι άλλον ας έλεπα
τ’ ομματόπα σ’ τα πόζι͜α

Γλωσσάρι

Κείμενο	Επεξήγηση	Ετυμ. Ρίζα
εκαταρούσαν	καταριούνταν
έλεπα	έβλεπα
ελίβωσεν	συννέφιασε
έμορφα	όμορφα
επορείς	μπορείς
έσ’κωσεν	σήκωσε
εσώρευαν	μάζευαν, συγκέντρωναν
’κ’	δεν	οὐκί<οὐχί
κορτσόπα	κοριτσάκια
μακρά	(επιρρ.) μακριά, (επιθ.) μακρινά, απομακρυσμένα
μανίτας	μανιτάρια
μέρι͜α	μέρη
μίαν	μια φορά
ομματόπα	ματάκια
πόζι͜α	γκρίζα, σταχτιά	boz
στείλον	(προστ.) στείλε
τόζι͜α	σκόνες	toz
χαπέρι͜α	ειδήσεις, νέα	haber/ḫaber
χάται	χάνεται

Σημειώσεις

¹ Ζυγανιτίδης. Η αείμνηστη Σοφία Παπαδοπούλου ήταν το γένος Ζυγανιτίδη