Θάλασσα, μαύρη θάλασσα

Προβολή Τραγουδιού

Καλλιτέχνες: Σταύρος Αβράμογλου, Χρήστος Καλιοντζίδης

Θάλασσα, Μαύρη Θάλασσα,
απάν’ ι-σ’ κέσ’ ελάστα [γιαρ, γιαρ]
Πόσα κορτσόπα εφίλεσα
και πόσα εγκαλιάστα! [γιαρ, γιαρ]

Εγώ το ρακίν πίν’ ατο
πασ̌κείμ’ για μεθυσίαν; [γιαρ, γιαρ]
Πίν’ ατο ας σ’ εφκιαρόπο μ’
κι ας σην τυραννισία μ’ [γιαρ, γιαρ]

Εμέν η μάνα μ’ είπε με,
εμέν η μάνα μ’ λέει με [γιαρ, γιαρ]
«Όθεν πας μη βραδιάσ̌κεσαι»
και πάντα διαρμενεύ’ με [γιαρ, γιαρ]

Νουνίζω, μάνα μ’, νουνίζω
και πώς να μη νουνίζω; [γιαρ, γιαρ]
Τα συνέλ’κα μ’ υπάντρεψαν
κι εγώ πεκιάρτς γυρίζω [γιαρ, γιαρ]

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
ας σ’	(ας σου) από του, από τότε που/αφότου, (ας σο) από το/τα
ας σην	απ’ την	ασό σην (από την)
γιαρ	αγαπητός/ή/ό, αγάπη	yâr
εγκαλιάστα	αγκάλιασα
ελάστα	περιφέρθηκα, τριγύρισα, περιπλανήθηκα	ἀλάομαι/ηλάσκω
εφίλεσα	φίλησα
εφκιαρόπο	μελαγχολία, στενοχώρια, έγνοια, άγχος	efkâr/efkār
κέσ’	προς τα εκεί, προς το μέρος εκείνο	κέσου<κεῖσ’<κεῖσε<ἐκεῖσε
κορτσόπα	κοριτσάκια
μεθυσίαν	μεθύσι, μέθη
νουνίζω	σκέφτομαι
όθεν	όπου, οπουδήποτε, σε όποιον
πασ̌κείμ’	μήπως, μήπως (και)	πᾶς καί ἔνι
πεκιάρτς	εργένης, (αιτ. πληθ.) εργένηδες	bekâr/bekār
πίν’	πίνω/ει
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
συνέλ’κα	συνομήλικα
τυραννισία	τυράννια, ταλαιπωρία
υπάντρεψαν	παντρεύτηκαν