Άχαρον παιδόπον

Προβολή Τραγουδιού

Άχαρον παιδόπον
απάν’ σο γεφυρόπον,
χωρίς το κορτσόπον έκατσεν και κλαίει
«Ντ’ εθέλ’να σεβντάδες;
ντ’ εθέλ’να πελι͜άδες;»
’Λέπ’ άλλα παιδία και το τέρτ’ν ατ’ λέει

’Κείνο το κορτσόπον
π’ έτονε νυφόπον,
έντονε μανίτσα κι εχόντρυνεν
’Ποίκεν αγουρόπον
άμον παλαχόπον
και -ν- ας σο κακόν ατ’ς πα έγρυνεν

Άλλο ’κι δουλεύει,
ατέ ’κι μαγειρεύει
Για τερέστεν παιδία το κακόν!
Όλι͜α εγώ ευτάγω,
σο χωράφ’ πα πάγω
κι όλο λέει με λάιξον το μωρόν

Γλωσσάρι

Κείμενο	Επεξήγηση	Ετυμ. Ρίζα
αγουρόπον	αγοράκι
άμον	σαν, όπως, καθώς	ἅμα
απάν’	πάνω
ας σο	απ’ το	ασό σο (από το)
ατέ	αυτή
ατ’ς	αυτής, της
γεφυρόπον	γεφυράκι
έγρυνεν	αγρίεψε στην όψη, αδυνάτισε (λόγω αρρώστιας)
εθέλ’να	ήθελα
έντονε	έγινε
έτονε	ήταν
ευτάγω	κάνω, φτιάχνω	εὐθειάζω
’κι	δεν	οὐκί<οὐχί
κορτσόπον	κοριτσάκι
λάιξον	(προστ.) κούνησε
’λέπ’	(ελέπ’) βλέπει/ω
νυφόπον	νυφούλα
πα	πάλι, επίσης, ακόμα
παιδία	παιδιά
παιδόπον	παιδάκι
παλαχόπον	γενικά ζώο νεαρής ηλικίας	balak
πελι͜άδες	βάσανα, σκοτούρες	bela
’ποίκεν	(εποίκεν) έκανε, έφτιαξε	ποιέω-ῶ
σεβντάδες	έρωτες	sevda/sevdā
τερέστεν	(προστ.) κοιτάξτε
τέρτ’ν	καημός, βάσανο, στενοχώρια	dert