Προβολή Τραγουδιού
Τον πάππο μ’ πώς ’κι ομοίασα |
Διστράτ’Στιχουργοί: Βασίλης Μωυσιάδης
Συνθέτες: Παραδοσιακό
Καλλιτέχνες: Παναγιώτης Ασλανίδης, Χρήστος Παπαδόπουλος
Τον πάππο μ’ πώς ’κι ομοίασα; κι ολίγον τον πατέρα μ’; Ατείν’ μίαν εγάπεσαν κι εγώ κάθαν ημέραν Κορτσόπον άμα απαντώ σκαλών’ η κάρδα̤ μ’ κρούει Νουνίζω ντο θα ’ίνουμαι ανάθεμα το χούι μ’ Όσον τρανύνω ’ίνεται εγάπη μ’ κι άλλο χ̌ούρ’-ι Φογούμαι γιάμ’ θα απομέν’ σο καρδόπο μ’ κουσούρι Το ταπιέτι μ’ άσ̌κεμον και πώς θα γυναικίζω; Μανίτσα μ’, όλα έμορφα και ποίον να χωρίζω;
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| απομέν’ | απομένει | ||
| άσ̌κεμον | άσχημο, κακότροπο | ||
| ατείν’ | αυτοί | ||
| γιάμ’ | μήπως, ή μη | ya/yā + μη | |
| γυναικίζω | βρίσκω γυναίκα, νυμφεύομαι | ||
| εγάπεσαν | αγάπησαν | ||
| εγάπη | αγάπη | ||
| έμορφα | όμορφα | ||
| ’ίνεται | γίνεται | ||
| ’ίνουμαι | γίνομαι | ||
| κάθαν | κάθε | ||
| καρδόπο | καρδούλα | ||
| ’κι | δεν | οὐκί<οὐχί | |
| κορτσόπον | κοριτσάκι | ||
| κρούει | χτυπάει | κρούω | |
| μίαν | μια φορά | ||
| νουνίζω | σκέφτομαι | ||
| ολίγον | λίγο | ||
| ομοίασα | έμοιασα | ||
| σκαλών’ | αρχινώ/ά, ξεκινώ/άει, εκκινώ/εί ένα έργο/δουλειά | ||
| ταπιέτι | συνήθεια, χαρακτηριστικό, ο χαρακτήρας ενός ανθρώπου | tabiat/ṭabīʿat | |
| τρανύνω | μεγαλώνω, αναθρέφω | ||
| φογούμαι | φοβάμαι | ||
| χ̌ούρ’ | χειρότερα | ||
| χούι | συνήθεια | huy/ḫūy | |
| χωρίζω | ξεχωρίζω, ξεδιαλέγω |
