Εγώ είμαι Τονγιαλής

Προβολή Τραγουδιού

Καλλιτέχνες: Παναγιώτης Ασλανίδης, Χρήστος Παπαδόπουλος

Εγώ είμαι Τογιαλής
φυσεκλής και σεβνταλής
Εγώ μίαν αγαπώ
και το λόγο μ’ θα κρατώ

Τογιαλής και πιτσ̌ιμλής
σα χορόντας τσ̌αλουμτσ̌ής
Αγαπώ είναν κουτσ̌ήν
άμον καρυδί’ καντζίν

Το τυφέκι μ’ έν’ σ’ ωμί μ’
και σ’ ορμάν’ έν’ το γιαβρί μ’
Σο ραχ̌ίν ψηλά εβγαίν’
και τον ήλιον παρεβγαίν’

Το σπαθί μ’ έν’ σο θηκάρ’
Τογιαλής και παλληκάρ’
και τη ζίπκα ντο φορώ
άγουρος είμαι, τιμώ

Τογιαλής ποντιοπούλ’
με τη λύρα και νταούλ’
Το χορόν το τρομαχτό
χορεύω ους να μερών’

Γλωσσάρι

Κείμενο	Επεξήγηση	Ετυμ. Ρίζα
άγουρος	νέος άνδρας
άμον	σαν, όπως, καθώς	ἅμα
γιαβρί	μωρό, μικρό, παιδί	yavru
εβγαίν’	βγαίνει
είναν	έναν, μία
έν’	είναι
ζίπκα	αντρική φορεσιά της εποχής	zıpka<(αμπχαζικά) adziykva (=στενό παντελόνι)
θηκάρ’	θηκάρι, θήκη ξίφους ή μαχαιριού
καντζίν	ψίχα καρπού
καρυδί’	καρυδιού
κουτσ̌ήν	κόρη
μερών’	μερώνει, ξημερώνει
μίαν	μια φορά
νταούλ’	νταούλι	davul/ṭabl
ορμάν’	δάσος	orman
ους	ως, μέχρι
παρεβγαίν’	παραβγαίνει
πιτσ̌ιμλής	όμορφος, καλοσχηματισμένος, κομψός	biçimli
ραχ̌ίν	βουνό, ράχη
σεβνταλής	ερωτοχτυπημένος, ερωτευμένος	sevdalı
τρομαχτό	τρεμάμενο, τρεμουλιαστό
τσ̌αλουμτσ̌ής	σκερτσόζος, επιδέξιος	çalımcı
φυσεκλής	ο αρματωμένος με φυσίγγια	fişek<fişeng<φύσιγξ
χορόντας	(ονομ. τα) χοροί, (αιτ.) χορούς
ωμί	ώμος, ώμο