Ποντιακός Στίχος

Προβολή Τραγουδιού

Το τραγούδι του Ευκλείδη

Πόντος, δικαίωμα στη μνήμηΠόντος, δικαίωμα στη μνήμη

Στιχουργοί: Στάθης Βενιαμίδης

Συνθέτες: Στάθης Βενιαμίδης

Καλλιτέχνες: Βασίλης Φωτιάδης, Θεόδωρος Βεροιώτης


Απέσ’ ση Σαντάν άψιμον,
κλάμαν, μοιρολογίαν
Όλι͜α τα γυναικόπαιδα
επήγαν εξορίαν
[Ευκλείδη μ’, καπιτάνε μ’!]

Και ση Σαντάν εξέβανε
τρακόσ̌οι τσ̌ανταρμάδες
Η Σαντά ’κι πατίεται
και με τα μουταράδες
[Ευκλείδη μ’, καπιτάνε μ’!]

Και -ν- ο γιοσμάς ο Κύρτογλης
και με το τυφεκόπον
Εσκότωσεν τον Ισεΐν
αφκά σο τικιανόπον
[Ευκλείδη μ’, καπιτάνε μ’!]

Τα μὲσα τ’ λεγνοπίαστα
και το πουίκ’ σ’ ωτία τ’
Και τα φυσ̌έκια πίσταυρα
και το τυφέκ’ σ’ ωμία τ’
[Ευκλείδη μ’, καπιτάνε μ’!]

Και -ν- ο Τσιρίπ’ς εκούιζεν
«Παιδία, ελευθερία!
Ας σπάζομε και τα μωρά
να μ’ εβγάλ’νε λαλίαν!»
[Ευκλείδη μ’, καπιτάνε μ’!]

Σον τόπον ντ’ επολέμαναν
και επερικυκλώθαν
Σπαγμένα είδαν τα μωρά,
οι Τούρκ’ πα επαλαλώθαν
[Ευκλείδη μ’, καπιτάνε μ’!]
Γλωσσάρι
ΚείμενοΕπεξήγησηΕτυμ. ΡίζαΠροέλευση
απέσ’μέσα
αφκάκάτω
άψιμονφωτιά
γιοσμάςκομψός, λεβέντης νέος yosma
εκούιζενφώναζε, λαλούσε, καλούσε κπ ονομαστικά
εξέβανεβγήκαν
επαλαλώθαντρελάθηκαν
επολέμανανπολεμούσαν, μτφ. προσπαθούσαν
καπιτάνεκαπετάνιε
’κιδεν οὐκί<οὐχί
λαλίανλαλιά, φωνή
μὲσα(τα) η μέση
μουταράδεςπενιχρά μέσα, ψευτοδουλειές müdârâ
παπάλι, επίσης, ακόμα
παιδίαπαιδιά
πατίεταιπατιέται
πίσταυρασταυρωτά, χιαστί
πουίκ’μουστάκι bıyık
σπαγμένασφαγμένα
σπάζομεσφάζουμε
τικιανόπονμαγαζάκι, (υποκορ.) υπαίθριος πάγκος dükkan/dukkān
φυσ̌έκιαφυσίγγια fişek/fişeng/φῦσιγξ
ωμίαώμοι
ωτίααυτιά

Ποντιακός Στίχος - Pontian Lyrics 2024

Τραγούδια: 8001 | Albums/Singles: 1225 | Συντελεστές: 1599 | Λήμματα: 13743
Επικοινωνία: infoDUMMY@pontianlyrics.gr