Ποντιακός ύμνος

Προβολή Τραγουδιού

Καλλιτέχνες: Βασίλης Καρράς, Γιώργος Ατματσίδης, Θανάσης Βασιλόπουλος, Χορωδία

Πού να εξέρτς εσύ, πουλόπο μ’,
ντο θα λέει ξεριζωμός;
Ας σον Πόντον ελυπέθεν,
μόνο λίγους o Θεόν

Ως σα γόνατα τσ̌αμούρι͜α
κι όλοι τυραννίουνταν
Άλλοι εχάθανε ση στράταν
κι άλλοι εφουρκίγανε 

Έλα να λέγω σε την ιστορίαν
για να μαθί͜εις ατο και σα παιδία σ’

Ση χαράν ούλ’ εντάμαν
και σον πόνον ούλ’ μαζί
Άλλος έχανε την μάνα
και η μάνα το παιδί

Όταν είπαν «να μετρούμε
πόσοι επέμ’ναν με την ψ̌ην»·
σα χαρτία τρεις χιλιάδες,
τριακόσιοι ση ζωήν

Έλα να λέγω σε την ιστορίαν
για να μαθί͜εις ατο και σα παιδία σ’

Έτον δεκαεννιά τη Μάη
που ο ήλιον έδυσεν
Η χαρά για πάντα εχάθεν
και τα δάκρα̤ μ’ στέρεψεν 

Έλα να λέγω σε την ιστορίαν
για να μαθί͜εις ατο και σα παιδία σ’

Έλα να λέγω σε την ιστορίαν
για να μαθί͜εις ατο και σα παιδία σ’ (x4)

Γλωσσάρι

Κείμενο	Επεξήγηση	Ετυμ. Ρίζα
δάκρα̤	δάκρυα
ελυπέθεν	λυπήθηκε
εντάμαν	μαζί
εξέρτς	ξέρεις, γνωρίζεις
επέμ’ναν	απόμειναν
έτον	ήταν
εφουρκίγανε	πνίγηκαν
εχάθανε	χάθηκαν
εχάθεν	χάθηκε
μαθί͜εις	μαθαίνεις κτ σε κπ, διδάσκεις
ούλ’	όλοι
παιδία	παιδιά
πουλόπο	πουλάκι
τσ̌αμούρι͜α	λάσπες	çamur
τυραννίουνταν	τυραννιούνται, ταλαιπωριούνται
ψ̌ην	ψυχή

Σημειώσεις

Χορωδία: Στάθης Νικολαΐδης, Πελαγία Νικολαΐδου, Ηλίας Καμπακάκης, Ειρήνη Κεσογλίδου