Σο ραχίν απάν’ είμαι

Προβολή Τραγουδιού

Σο ραχ̌ίν απάν’ είμαι,
δώδεκα χρονών είμαι
Έπαρ’ με, κόρ’, έπαρ’ με
τσιβάν παλληκάρ’ είμαι

Ακεί πέρα θερία
τη σ̌κύλ’ την κόρ’ ερία
Επαίρ’ν’ ατεν και φεύ’νε
τη γαϊδέρ’ τα παιδία

Έσυρα την ταπάντζ̌α μ’
εσκότ’σα τον τζάντζαρον
Τη Γουλά η Χαρίκλη
αγαπά τον Λάζαρον

Γλωσσάρι

Κείμενο	Επεξήγηση	Ετυμ. Ρίζα
ακεί	εκεί
απάν’	πάνω
ατεν	αυτήν
έπαρ’	(προστ.) πάρε
ερία	πρόσεχε, φύλαξε, επέβλεψε (προστ.)
εσκότ’σα	(εσκότωσα) σκότωσα
έσυρα	έσυρα, τράβηξα, έριξα
θερία	θεριά, θηρία
παιδία	παιδιά
ραχ̌ίν	βουνό, ράχη
σ̌κύλ’	(γεν.) σκύλου
ταπάντζ̌α	όπλο	tabanca
τζάντζαρον	ακρίδα	κάντζαρος<κάνθαρος
τσιβάν	νέο και όμορφο	civan/cevān
φεύ’νε	φεύγουν