Προβολή Τραγουδιού
Η κόρ’ εδέκεν το νερόν |

Στιχουργοί: Παραδοσιακό
Συνθέτες: Παραδοσιακό
Καλλιτέχνες: Λάμπης Παυλίδης, Σάββας Λαζαρίδης
Η κόρ’ εδέκεν το νερόν απάν’ καικά σ’ αμπέλια ’Ποίκεν σταφύλια νόστιμα, γλυκέα κι άμον μέλια Ανασακιάζομε -ν, ανασακιάζομε -ν Έρχουμες επεκεί αδά κι ανασακιάζομε -ν Εμείς τον εαυτόν εμουν καν’νάν ’κι φάζομε -ν Ση μαχαλάς ι-σ’ τη στράταν πουλόπο μ’, πάντα στέκω Κανείς ’κι κουίζ’ τ’ όνεμα σ’, εσέναν ας ελέπω Ανασακιάζομε, ανασακιάζομε Έρχουμες επεκεί αδά κι ανασακιάζομε Εμείς τον εαυτόν εμουν καν’νάν ’κι φάζομε Σαντέτες σ̌κύλ’ υιός είμαι, ματώνω ’κι ματούμαι Όντες παραχολιάσκουμαι, χ̌έραν πα στεφανούμαι Βαΐων, ξαν Βαΐων οφέτος θ’ αποθάνω Χ̌ιλέμορφα, παντέμορφα ας σο γιάνι μ’ θα χάνω Το κεμεντζ̌όπο μ’ παίζ’ γαπάν’, σύρω τη τοξαρέαν Τα παλληκάρι͜α τραβωδούν/τραγωδούν και ση Σαντά μερέαν Ανασακιάζομε, ανασακιάζομε Έρχουμες επεκεί αδά κι ανασακιάζομε Εμείς τον εαυτόν εμουν καν’νάν ’κι φάζομε
Κείμενο | Επεξήγηση | Ετυμ. Ρίζα | Προέλευση |
---|---|---|---|
αδά | εδώ | ||
άμον | σαν, όπως, καθώς | ἅμα | |
ανασακιάζομε | ανακινούμε, τινάζουμε τα σακιά για να χωρέσουν περισσότερα πράγματα | ανά+σακίζω | |
απάν’ | πάνω | ||
αποθάνω | πεθαίνω | ||
γαπάν’ | οι βαρύτονες (μπάσες) τονικότητες μουσικού οργάνου, το βαρύτονα κουρδισμένο (μπάσο) όργανο | ||
γιάνι | πλάι, πλευρό | yan | |
γλυκέα | (επιρρ.) γλυκά | ||
εδέκεν | έδωσε | ||
ελέπω | βλέπω | ||
εμουν | μας | ||
επεκεί | από εκεί, από τότε, ύστερα, κατόπιν | ||
έρχουμες | ερχόμαστε | ||
καικά | προς τα κάτω, εκεί ακριβώς, κοντά | ||
καν’νάν | κανέναν | ||
κεμεντζ̌όπο | (υποκορ.) λύρα | kemençe/kemānçe | |
’κι | δεν | οὐκί<οὐχί | |
κουίζ’ | φωνάζω/ει, λαλώ/εί, καλώ/εί κπ ονομαστικά | ||
ματούμαι | ματώνομαι | ||
μαχαλάς | γειτονιάς | mahalle/maḥalle | |
μερέαν | μεριά | ||
ξαν | πάλι, ξανά | ||
όνεμα | όνομα | ||
όντες | όταν | ||
οφέτος | φέτος | ||
πα | πάλι, επίσης, ακόμα | ||
παντέμορφα | πανέμορφα | ||
παραχολιάσκουμαι | θυμώνω, αγανακτώ υπερβολικά | ||
’ποίκεν | (εποίκεν) έκανε, έφτιαξε | ποιέω-ῶ | |
πουλόπο | πουλάκι | ||
σ̌κύλ’ | (γεν.) σκύλου | ||
στεφανούμαι | στεφανώνομαι | ||
σύρω | σέρνω, τραβώ, ρίχνω | ||
τοξαρέαν | δοξαριά | ||
τραγωδούν | τραγουδάνε | ||
φάζομε | ταΐζουμε | ||
χ̌έραν | χήρα |