Ομμάτια μ’, διαρμενεύω σας

Προβολή Τραγουδιού

Καλλιτέχνες: Κώστας Παναγιωτίδης, Λευτέρης Κοκκινίδης

Ανάθεμα και τη δείσαν
και που χ̌ι͜ονίζ’ παρώρας
Αρ’ συνταυλεί τσοι γυναίκ’ς
και αραεύ’νε πόδας

Ομμάτι͜α μ’, δι͜αρμενεύω σας
να μη μαραγγουλιάτεν
Σα ξένα, σ’ ανεγνώριμα
να λέτεν, να γελάτεν

Αν αρρωσταίντς, μικρόν αρνί μ’,
στείλω σε σον παρχάρ’ -ι
Αφκά και σ’ αλατόριζα
δέβα τον καιρό σ’ χάρ’ -ι

Γλωσσάρι

Κείμενο	Επεξήγηση	Ετυμ. Ρίζα
αλατόριζα	ελατόριζες
ανεγνώριμα	μη γνώριμα, άγνωστα, ξένα
αραεύ’νε	ψάχνουν, αναζητούν, γυρεύουν	aramak
αρρωσταίντς	αρρωσταίνεις
αφκά	κάτω
γυναίκ’ς	γυναίκες
δέβα	(προστ.) πήγαινε
δείσαν	ομίχλη	δεῖσα=υγρασία, λάσπη, βρωμιά
δι͜αρμενεύω	συμβουλεύω, νουθετώ	μσν. ὁρμηνεύω < αρχ. ἑρμηνεύω
λέτεν	λέτε
μαραγγουλιάτεν	μαραζώνετε, μαραίνεστε, μτφ. σκυθρωπιάζετε	μαραγγιάω
ομμάτι͜α	μάτια
παρχάρ’	ορεινός τόπος θερινής βοσκής
παρώρας	πρόωρα, παράκαιρα
πόδας	ίχνη, πατημασιές, βήματα
συνταυλεί	συνδαυλίζει, ανακινεί του δαυλούς ώστε να ζωηρέψει το πυρ της εστίας, μτφ. «παροξύνει», «ανακινεί» πάθη
τσοι	τους/τις
χ̌ι͜ονίζ’	χιονίζει
χάρ’	(προστ.) χαίρε, να χαρείς