Έρχομαι, πουλί μ’

Προβολή Τραγουδιού

Καλλιτέχνες: Κώστας Παναγιωτίδης, Χρήστος Παναγιωτίδης

Έρχουμαι, πουλί μ’, έρχουμαι
τη νύχταν, την ημέραν [γιαρ, γιαρ/γιαρ]
Το χρόνον χάνω για τ’ εσέν,
εσύ ’κι χάντς ημέραν [γιαρ, γιαρ/γιαρ]

Έρχουμαι, πουλί μ’, έρχουμαι,
άνοιξον το πορτόπο σ’ [γιαρ, γιαρ/γιαρ]
Ξαν μεθυσμένον έρχεται
το λαλαχ̌άρ’ τ’ αρνόπο σ’ [γιαρ, γιαρ/γιαρ]

Έρχουμαι, πουλί μ’, έρχουμαι,
έρχουμαι μη κομπώντς με [γιαρ, γιαρ/γιαρ]
Τα στράτας ι-σ’ πολλά μακρά
τη/του κάκου μη σκοτώντς με [γιαρ, γιαρ/γιαρ]

Θάλασσα, Μαυροθάλασσα,
απάν’ ι-σ’ κέσ’ ελάστα [γιαρ, γιαρ/γιαρ]
Πόσα κορτσόπα εφίλεσα
και πόσα -ν- εγκαλιάστα; [γιαρ, γιαρ/γιαρ]

Γλωσσάρι

Κείμενο	Επεξήγηση	Ετυμ. Ρίζα
άνοιξον	(προστ.) άνοιξε
απάν’	πάνω
αρνόπο	αρνάκι, χαϊδευτική προσφώνηση γυναίκας
γιαρ	αγαπητός/ή/ό, αγάπη	yâr
εγκαλιάστα	αγκάλιασα
ελάστα	περιφέρθηκα, τριγύρισα, περιπλανήθηκα	ἀλάομαι/ηλάσκω
έρχουμαι	έρχομαι
εφίλεσα	φίλησα
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
’κι	δεν	οὐκί<οὐχί
κομπώντς	εξαπατάς, ξεγελάς, μτφ. σαγηνεύεις	κομβόω
κορτσόπα	κοριτσάκια
λαλαχ̌άρ’	χαϊδεμένο, παραχαϊδεμένο
μακρά	(επιρρ.) μακριά, (επιθ.) μακρινά, απομακρυσμένα
ξαν	πάλι, ξανά
πολλά	(επίθ.) πολλά, (επίρρ.) πολύ
πορτόπο	πορτούλα, πορτάκι	porta
σκοτώντς	σκοτώνεις
στράτας	(ονομ.) δρόμοι, (αιτ.) δρόμους
χάντς	χάνεις, παύεις να έχεις, διώχνεις