Όλεν την νύχταν

Προβολή Τραγουδιού

Καλλιτέχνες: Ασημάκης Αντωνιάδης, Τάκης Ιωαννίδης

Όλεν την νύχταν κάθουμαι
εγώ σην παραλίαν
με το παπόρ’ ντο έφυες
ευτάω συντροφίαν

Έλα παπόρ’, έλα παπόρ’,
έλα γιαλό-γιαλόν -ι
Φέρον με -ν- το μικρόν τ’ αρνί μ’ 
και δέβα σο καλόν -ι

Ας έξερα ποίον παπόρ’
εσέν θα φέρ’ εμέναν
Θα ’θέκ’να σο τιρέκ’ν αθε
χρυσόν λαμπάδαν, έναν

Γλωσσάρι

Κείμενο	Επεξήγηση	Ετυμ. Ρίζα
αθε	του/της
δέβα	(προστ.) πήγαινε
έξερα	ήξερα
ευτάω	κάνω, φτιάχνω	εὐθειάζω
έφυες	έφυγες
’θέκ’να	(εθέκ’να) έθετα, τοποθετούσα, έβαζα
όλεν	όλη/ο, ολόκληρη/ο
παπόρ’	βαπόρι, καράβι	vapore
συντροφίαν	συντροφιά, παρέα
τιρέκ’ν	κατάρτι	direk
φέρ’	φέρνω/ει
φέρον	(προστ.) φέρε