Προβολή Τραγουδιού
Αχ, έλα πουλί μ’ |

Στιχουργοί: Γιώργος Κεμανετζίδης
Συνθέτες: Γιώργος Κεμανετζίδης
Καλλιτέχνες: Γιώργος Κεμανετζίδης, Μπάμπης Μακρίδης, Νίκος Μουρατίδης
Αχ, έλα, πουλί μ’! Αχ, έλα, γιαβρί μ’! Εγώ για τ’ εσένα ’ίνουμαι γεφύρ’ Εσέν λέγ’ α’, πουλί μ’, ας έν’ για το ψ̌όπο σ’ δος με το χ̌ερόπο σ’, ’κι χωρεί με ο τόπος Αχ! Ας σα ποδάρα̤ σ’ ους το κεφάλ’ απάν’ όλα̤ σ’, πουλί μ’, είναι με το παραπάν’ Χρυσόν ψ̌ην έν’, πουλί μ’, τ’ εσόν η καρδία εσέν μετάνοι͜α ευτάγω, είσαι Παναΐαν Αχ! Ατά τα μήλα σ’ έ͜εις ατα εμπροστά σ’, πουλί μ’, δος με έναν, εμέν να συγχωράς Εσύ με τ’ ομμάτα̤ σ’, πουλόπο μ’, μέρ’ τερείς δί’ς ατο φωτίαν, λαμπάδα το κορμί σ’ Αχ! Ατά τα χ̌είλα̤ σ’, τριαντάφυλλα Θεόν εσέν ευτάγω, ας φιλώ -γ- ατα Μακρέα τα μαλλία σ’, κρέμουνταν σ’ ωμία σ’, αχ! ζηλεύ’ ατα, να χτενίζ’ ατα Αχ! Να ζει η μάνα εσέν π’ εποίν’νε σε, έγκε σε σον κόσμον, χαράν εδέκες με Αΐκον ομορφίαν άλλο ’κι ’ίνεται, σα χ̌ίλα̤ χρόνα̤ μίαν, πουλί μ’, γεννίεται Ας σην ομορφία σ’, πουλί μ’, ερρώστεσα αχ! άμον εσέναν εγώ ’κ’ εφίλεσα Αχ, έλα, πουλί μ’! Αχ, έλα, γιαβρί μ’! Πεθαίνω για τα κάλλα̤ σ’, κάφτ’ με σην εγκάλα̤ σ’
Κείμενο | Επεξήγηση | Ετυμ. Ρίζα | Προέλευση |
---|---|---|---|
α’ | (ατό) αυτό, το | ||
αΐκον | τέτοιο/α | ||
άμον | σαν, όπως, καθώς | ἅμα | |
απάν’ | πάνω | ||
ατά | αυτά | ||
ατα | αυτά | ||
γεννίεται | γεννιέται | ||
γεφύρ’ | γέφυρα, γεφύρι | ||
γιαβρί | μωρό, μικρό, παιδί | yavru | |
δί’ς | δίνεις | ||
δος | δώσε | ||
έ͜εις | έχεις | ||
εγκάλα̤ | αγκαλιά | ||
έγκε | έφερε | ||
εδέκες | έδωσες | ||
εμπροστά | μπροστά, πρωτύτερα | ||
έν’ | είναι | ||
εποίν’νε | έκανε, έφτιαχνε | ποιέω-ῶ | |
ερρώστεσα | αρρώστησα | ||
εσόν | δικός/ή/ό σου | ||
ευτάγω | κάνω, φτιάχνω | εὐθειάζω | |
εφίλεσα | φίλησα | ||
’ίνεται | γίνεται | ||
’ίνουμαι | γίνομαι | ||
’κ’ | δεν | οὐκί<οὐχί | |
κάλλα̤ | κάλλη | ||
κάφτ’ | καίω/ει | ||
’κι | δεν | οὐκί<οὐχί | |
μακρέα | (επιθ.) μακριά | ||
μέρ’ | (μέρου, επιρρ.) πού, προς ορισμένο μέρος, όποιος | ||
μίαν | μια φορά | ||
ομμάτα̤ | μάτια | ||
ους | ως, μέχρι | ||
ποδάρα̤ | πόδια | ||
πουλόπο | πουλάκι | ||
τερείς | κοιτάς | ||
χ̌είλα̤ | χείλια | ||
χ̌ερόπο | χεράκι | ||
χ̌ίλα̤ | χίλια | ||
χρόνα̤ | χρόνια | ||
ψ̌ην | ψυχή | ||
ψ̌όπο | ψυχούλα | ||
ωμία | ώμοι |