Σην Ελλάδαν έρθαμε

Προβολή Τραγουδιού

Καλλιτέχνες: Μπάμπης Κεμανετζίδης, Χρήστος Κατίδης

Σην Ελλάδαν έρθαμε
έχτ’σαμ’ κι εγουρεύταμε
Εφέκαμ’ τα πόνι͜α μουν
έρθαμ’ με τα τέρτι͜α μουν

Εδεβήνανε τα χρόνι͜α,
ελιγόστευαν τα πόνι͜α
Όλ’ εντάμαν μ’ έναν ψ̌ην
εσέβαμε ση ζωήν

Γουρεμέν’ και τιζεμέν’
ζούμε όλ’ αδερφωμέν’
Τρώμε, πίνομ’ και γλεντούμε,
τ’ έναν τ’ άλλο πα κρατούμε

Αέτσ’ έν’ ατός ο κόσμος,
άλλος έρ’ται κι άλλος πάει
Που ’κι τρώει και πίν’ ατώρα
εθαρρώ τιδέν ’κ’ ευτάει

Γλωσσάρι

Κείμενο	Επεξήγηση	Ετυμ. Ρίζα
αδερφωμέν’	αδελφωμένοι, μονιασμένοι
αέτσ’	έτσι
ατός	αυτός
ατώρα	τώρα
γουρεμέν’	στημένοι, μτφ. αυτοί που ορθοπόδησαν	kurmak
εγουρεύταμε	στηθήκαμε, μτφ. ορθοποδήσαμε	kurmak
εδεβήνανε	περνούσαν
εθαρρώ	θαρρώ, νομίζω, υποθέτω
έν’	είναι
εντάμαν	μαζί
έρθαμ’	ήρθαμε
έρθαμε	ήρθαμε
έρ’ται	έρχεται
εσέβαμε	μπήκαμε
ευτάει	κάνει, φτιάχνει	εὐθειάζω
εφέκαμ’	αφήσαμε
έχτ’σαμ’	χτίσαμε
’κ’	δεν	οὐκί<οὐχί
’κι	δεν	οὐκί<οὐχί
μουν	μας
όλ’	όλοι/α
πα	πάλι, επίσης, ακόμα
πίν’	πίνω/ει
πίνομ’	πίνουμε
πόνι͜α	πόνοι
τέρτι͜α	καημοί, βάσανα, στενοχώριες	dert
τιδέν	τίποτα
τιζεμέν’	αραδιασμένοι, που έχουν μπει σε μια σειρά	dizmek
ψ̌ην	ψυχή