Κορτσόπον, έλα μετ’ εμέν

Προβολή Τραγουδιού

Καλλιτέχνες: Μπάμπης Κεμανετζίδης, Χρήστος Κατίδης

Κορτσόπον, έλα μετ’ εμέν,
έλα σ’ εμέν ολίγον
Έναν βράδον κοιμέθ’ μ’ εμέν
κι έρκεντεν σούκ’ και φύγον

Το γιοσμαλούν το τέρεμα σ’,
το γέλος ι-σ’ λελεύω
Εσέν πη θ’ αγκαλά̤σ̌κεται
τον τυχερόν ζηλεύω

Μετ’ εσέν ρούζω σο κρεβάτ’
και μετ’ εσέν γνεφίζω
Αΐκον όραμαν γλυκύν
εγώ να ποδεδίζω!

Εσύ δος με έναν φίλεμαν,
εγώ δίγω σε δύο
Εσύ δος με τ’ εγκαλόπο σ’
κι εγώ όλον το βίο μ’

Γλωσσάρι

Κείμενο	Επεξήγηση	Ετυμ. Ρίζα
αγκαλά̤σ̌κεται	παίρνει αγκαλιά, αγκαλιάζει
αΐκον	τέτοιο/α
βίο	το βιος, το σύνολο των ζωντανών που έχει στην ιδιοκτησία του κάποιος, η περιουσία κάποιου
βράδον	βράδυ
γέλος	γέλιο, περίγελος
γιοσμαλούν	κομψό, λεβέντικο	yosmalı
γλυκύν	γλυκιά/ό
γνεφίζω	ξυπνώ
δίγω	δίνω
δος	δώσε
εγκαλόπο	αγκαλιά, αγκαλίτσα
έρκεντεν	νωρίς	erkenden
κοιμέθ’	(προστ.) κοιμήσου
κορτσόπον	κοριτσάκι
λελεύω	χαίρομαι
μετ’	μαζί με (με αιτιατική), με (τρόπος)
να ποδεδίζω	να χαρώ κπ
ολίγον	λίγο
όραμαν	όνειρο
πη	που
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ρούζω	πέφτω, ρίπτω
σούκ’	(προστ.) σήκω
τέρεμα	βλέμμα
φίλεμαν	φιλί
φύγον	(προστ.) φύγε