Ποντιακά Κάλαντα Χριστουγέννων

Προβολή Τραγουδιού

Καλλιτέχνες: Γαβρίλος Σιδηρόπουλος, Γιάννης Γκόσιος, Γιώργος Κορτσινίδης, Γιώργος Μωυσιάδης, Δημήτρης Καραντωνίου, Δημήτρης Ξενιτόπουλος, Κώστας Καλούσης, Κώστας Πουτακίδης, Μπάμπης Ιωακειμίδης, Στάθης Παυλίδης, Στάθης Πορφυρίδης

Χριστός ’γεννέθεν χαρά σον κόσμον
Χα! Καλή ώρα, καλή σου ημέρα
Χα! Καλόν παιδίν, οψέ ’γεννέθεν

Οψέ ’γεννέθεν, ουρανοστάθεν
τον εγέννεσεν η Παναΐα
τον ανέστεσεν αειπάρθενος

Εκαβάλκεψεν χρυσόν πουλάριν
κι εκατήβεν σο σταυροδρόμι
Σταυροδρόμι και μυροδρόμι

Έρπαξαν ατον οι χ̌ίλ’ Εβραίοι
Χ̌ίλ’ Εβραίοι και μύρ’ Εβραίοι
Χ̌ίλ’ Εβραίοι και μύρ’ Εβραίοι

Ας σ’ ακρεντικά κι ας σην καρδίαν
Αίμαν έσταξεν, χολήν ’κ’ εφάνθεν
Ούμπαν έσταξεν και μύρος έτον
Μύρος έτον και μυρωδίαν

Εμυρίστεν ατο ο κόσμος όλεν
Για μυρίστ’ ατο και συ Αφέντα
Συ Αφέντα μ’, καλέ μ’ Αφέντα

Έρθαν τη Χριστού τα παλληκάρι͜α
και θημίζ’νε το νοικοκύρην
Νοικοκύρην και βασιλέαν

Δέβα σο ταρέζ’ κι έλα σην πόρταν
Δος μας ούβας και λεφτοκάρυ͜α
Κι αν ανοί͜εις μας, χαρά σην πόρτα σ’

Γλωσσάρι

Κείμενο	Επεξήγηση	Ετυμ. Ρίζα
ακρεντικά	άκρα, πλευρά
ανέστεσεν	ανάθρεψε
ανοί͜εις	ανοίγεις
ας σ’	(ας σου) από του, από τότε που/αφότου, (ας σο) από το/τα
’γεννέθεν	(εγεννέθεν) γεννήθηκε
δέβα	(προστ.) πήγαινε
δος	δώσε
εγέννεσεν	γέννησε
εκαβάλκεψεν	ίππευσε, καβάλησε
εκατήβεν	κατέβηκε
εμυρίστεν	μύρισε, οσφράνθηκε
έρθαν	ήρθαν
έρπαξαν	άρπαξαν
έτον	ήταν
εφάνθεν	φάνηκε, εμφανίστηκε
θημίζ’νε	ψάλλουν, κάνουν γνωστό, διαδίδουν	θημίζω<φημίζω<φάσκω
’κ’	δεν	οὐκί<οὐχί
λεφτοκάρυ͜α	λεπτοκάρυα, φουντουκιές, φουντούκια	λεπτο- + κάρυον
μυρίστ’	(προστ.) μύρισε
όλεν	όλη/ο, ολόκληρη/ο
ούβας	αγριοκύδωνα ή μούσμουλα ή λωτοί (αποξηραμένοι, Trabzon hurması)	ὄον και οὖον=ο καρπός τής όας, τής σουρβιάς (αγριοκυδωνιά)
ούμπαν	όπου κι αν
οψέ	χθες
Παναΐα	Παναγιά
ταρέζ’	ράφι	étagère
χ̌ίλ’	χίλιοι/ες/ια
χα!	να!, ορίστε!, ιδού!
χολήν	θυμό