Πότε ο ήλεν θα εβγαίν’;

Προβολή Τραγουδιού

Πότε ο ήλεν θα εβγαίν’,
μανίτσα μ’, για τ’ εμέναν,
εγώ πα άμον άνθρωπος
να ’λέπω άσπρον ημέραν;

Όπου κι αν πάγω -ν- ερωτώ
να ’βρήκω έναν δουλείαν
να πλερώνω τα ενοίκια μ’,
να ζω και τα παιδία μ’

Θεέ μ’, ντό πολλά εχάλασαν
τα σημερ’νά παιδία!
Όθεν εις βάρος τ’ αλλουνού
να ζουν σην κοινωνίαν

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
’βρήκω	(ευρήκω) βρίσκω
δουλείαν	δουλειά
εβγαίν’	βγαίνει
ερωτώ	ρωτάω
ήλεν	ήλιος/ήλιο
’λέπω	(ελέπω) βλέπω
όθεν	όπου, οπουδήποτε, σε όποιον
πα	πάλι, επίσης, ακόμα
παιδία	παιδιά
πλερώνω	πληρώνω, εκπληρώνω
πολλά	(επίθ.) πολλά, (επίρρ.) πολύ