Τ’ οσπίτι σ’ έν’ απέσ’ σ’ ορμάν’

Προβολή Τραγουδιού

Καλλιτέχνες: Ισαάκ Τηλικίδης, Νίκος Ιωαννίδης

Τ’ οσπίτι σ’ έν’ απέσ’ σ’ ορμάν’,
ολόερα φτερία [γιαρ]
Θα έρχουμαι να κλέφτω σε,
φοούμ’ ασ’ τα θερία [γιαρ]

Εμέν βάλτεν με τοι καμέντς
και με τοι γεραλήδες [γιαρ]
Ας ση σεβτάν π’ εκάγανε,
εγένταν βερεμλήδες [γιαρ]

Τ’ οσπίτι σ’ και τ’ οσπιτόπο μ’
να έσαν γιαν-γιανά -ι [γιαρ]
Εμέν ’κι θ’ εβασάνιζες
και -ν- ατόσον πολλά -ι [γιαρ]

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
ασ’	από
ατόσον	τόσο
βερεμλήδες	φυματικοί, χτικιάρηδες, ασθενικοί, αρρωστιάρηδες	veremli
γεραλήδες	πληγωμένοι, τραυματισμένοι	yaralı
γιαν-γιανά	πλάι-πλάι, ο ένας δίπλα στον άλλον	yan yana
γιαρ	αγαπητός/ή/ό, αγάπη	yâr
εγένταν	έγιναν
εκάγανε	κάηκαν
έν’	είναι
έρχουμαι	έρχομαι
έσαν	ήταν
θερία	θεριά, θηρία
’κι	δεν	οὐκί<οὐχί
κλέφτω	κλέβω
ολόερα	ολόγυρα
ορμάν’	δάσος	orman
οσπίτι	σπίτι	hospitium<hospes
οσπιτόπο	σπιτάκι	hospitium<hospes + -όπον
πολλά	(επίθ.) πολλά, (επίρρ.) πολύ
σεβτάν	αγάπη, έρωτα	sevda/sevdā
τοι	τους/τις
φοούμ’	φοβάμαι
φτερία	φτέρες