Έλα, κλώστ’ οπίσ’

Προβολή Τραγουδιού

Καλλιτέχνες: Νίκος Ιωαννίδης, Ντίνα Βασιλειάδου

Έφυες, μικρόν αρνί μ’,
μακρά ση ξενιτείαν
Εφήκες ’μέναν έρημον
απάν’ σην κοινωνίαν

Έλα κλώστ’ οπίσ’,
έλα κλώστ’ οπίσ’
σο πονεμένον την καρδι͜ά μ’
τη χαράν να δί’ς

Έφυες, μικρόν αρνί μ’,
χωρίς τιδέν να ξέρω
Λάσκουμαι σα δρόμα̤ απάν’,
εσέναν αραεύω

Έλα κλώστ’ οπίσ’,
έλα κλώστ’ οπίσ’
σο πονεμένον την καρδι͜ά μ’
τη χαράν να δί’ς

Έφυες, μικρόν αρνί μ’,
χωρίς καν’νάν αιτίαν
’Κ’ επορεί να δί’ εμέν
κανείς παρηγορίαν

Έλα κλώστ’ οπίσ’,
έλα κλώστ’ οπίσ’
σο πονεμένον την καρδι͜ά μ’
τη χαράν να δί’ς

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
αραεύω	ψάχνω, αναζητώ, γυρεύω	aramak
δί’	δίνει
δί’ς	δίνεις
δρόμα̤	(ονομ.) δρόμοι, (αιτ.) δρόμους
επορεί	μπορεί
εφήκες	άφησες
έφυες	έφυγες
’κ’	δεν	οὐκί<οὐχί
καν’νάν	κανέναν
κλώστ’	(προστ.) γύρνα/γύρισε, επέστρεψε
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
μακρά	(επιρρ.) μακριά, (επιθ.) μακρινά, απομακρυσμένα
οπίσ’	πίσω
παρηγορίαν	παρηγοριά
τιδέν	τίποτα