Σατυρικό

Προβολή Τραγουδιού

Καλλιτέχνες: Ασημάκης Αντωνιάδης, Νίκος Ιωαννίδης

Ο πεντικόν εσ̌ύριξεν
κι εσέβεν σο τρυπίν ατ’
Μετ’ εμέν που θα τραγωδεί
ας σύρ’ κα’ το μυτίν ατ’

Να είχ̌ες δύο κέρατα
και έναν κωδωνόπον
Εσύ ’κι ’ξέρτς να τραγωδείς,
κρά͜εις άμον μουσκαρόπον

Οσήμερον πρωί-πρωί
έφαγα δύο ελαίας
Άμον εσέν τραγωδά̤νον
καθίζω σα φωλέας

Ατά τα τραγωδίας ι-σ’
να λες ατα τη θεία σ’
Ας βάλ’ α̤τα απέσ’ σο σαντούκ’
να χ̌έζ’νε απάν’ τα μύας

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
απάν’	πάνω
απέσ’	μέσα
ατά	αυτά
ατα	αυτά
ελαίας	(τα) ελιές, (τη) ελιάς
εσέβεν	μπήκε
εσ̌ύριξεν	σφύριξε	σῦριγξ
κα’	κάτω
’κι	δεν	οὐκί<οὐχί
κρά͜εις	κράζεις
κωδωνόπον	κουδουνάκι
μετ’	μαζί με (με αιτιατική), με (τρόπος)
μουσκαρόπον	μοσχαράκι
μύας	(τη) μύγας, (τα) μύγες
μυτίν	μύτη
’ξέρτς	(εξέρτς) ξέρεις
οσήμερον	σήμερα
πεντικόν	ποντικός
σαντούκ’	σεντούκι, μπαούλο	sandık/ṣandūḳ ,ʂundūq
σύρ’	σύρω/ει, τραβάω/ει, ρίχνω/ει
τραγωδά̤νον	τραγουδιστής
τραγωδεί	τραγουδάει
τραγωδείς	τραγουδάς
τραγωδίας	τραγούδια
τρυπίν	τρύπα
φωλέας	(ονομ.πληθ.) φωλιές, (γεν. ενικού) φωλιάς
χ̌έζ’νε	χέζουν