Προβολή Τραγουδιού
Καπετάν Ευκλείδης |
Νίκος Ιωαννίδης Νο10Στιχουργοί: Ιωάννης Τσορτανίδης
Συνθέτες: Ιωάννης Τσορτανίδης
Καλλιτέχνες: Νίκος Ιωαννίδης
Φοτούλ’ παλληκάρ’ έχασεν τ’ εμέτερον η Σάντα Ευκλείδη μ’, τα παλληκάρι͜α σ’ για τ’ εσέν λέγ’νε πάντα Ε! μαύρε μ’ καπιτάνε! Εφτά χρόνι͜α σ’ αντάρτικα, ση Σαντάς τα ραχ̌ία Εφτά χρόνι͜α ετυράννιζες τα Τούρκικα τα ψ̌ήα Ε! μαύρε μ’ καπιτάνε! Σκοτία πίσσα έτονε, ο καιρόν λιβωμένος Αφκά σο κάρον εκείτον Ευκλείδης σκοτωμένος Ε! μαύρε μ’ καπιτάνε! Τα ραχ̌ία εβούιζαν, εμούγκριζαν τ’ ορμία Ο Χάρον εκαβάλκεψεν ση Ευκλείδη σ’ ωμία Ε! μαύρε μ’ καπιτάνε! Ο Χάρον εκαβάλκεψεν ση Κύρτογλη τ’ ωμία Ε! μαύρε μ’ καπιτάνε! Ση Ευκλείδη το λείμψανον έκλαιγαν οι ποπάδες Έκλαιγαν τα παλληκάρι͜α, έκλαιγαν κι οι νυφάδες Ε! μαύρε μ’ καπιτάνε!
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αφκά | κάτω | ||
| εκαβάλκεψεν | ίππευσε, καβάλησε | ||
| εκείτον | κείτονταν, ξάπλωνε | ||
| εμέτερον | δικός/ή/ό μου | ἡμέτερος | |
| έτονε | ήταν | ||
| έχασεν | έχασε, έδιωξε, πέταξε κτ | ||
| καπιτάνε | καπετάνιε | ||
| λέγ’νε | λένε | ||
| λιβωμένος | συννεφιασμένος | λίβος<λείβω | |
| νυφάδες | νύφες | ||
| ορμία | ρυάκια, ρεματιές | ||
| ποπάδες | παπάδες | ||
| ραχ̌ία | ράχες, βουνά | ||
| σκοτία | σκοτάδι | ||
| φοτούλ’ | υπεροπτικό, αλαζονικό | fodul/fuḍūl | |
| ψ̌ήα | ψυχές, η περιοχή του στέρνου, τα εσώψυχα | ||
| ωμία | ώμοι |
