Προβολή Τραγουδιού
Χαψία εξέβαν σο γιαλόν |
Τα Ποντιακά των Γιώτη Κοσμίδη-Γιώργου ΑκριτίδηΣτιχουργοί: Παραδοσιακό
Συνθέτες: Παραδοσιακό
Καλλιτέχνες: Γιώργος Ακριτίδης, Παναγιώτης Κοσμίδης
Χαψία εξέβαν σο γιαλόν χοντρά κι ευλογημένα Τα καΐκια πάν’ κι έρ’τανε ζίπα-ζίπα¹ φορτωμένα Χαψία, χαψία φατέστεν σ̌κύλ’ παιδία και ντ’ έμορφα μαειρεύ’ α̤τα η θεία μ’ η Ευδοξία Χαψία βάλε σο πλακίν εσέν λέγω -ν-, Ηλία! Στάξον κι ολίγον λαδόπον ας ’ίν’νταν μερακλία Χαψία, χαψία φατέστεν σ̌κύλ’ παιδία και ντ’ έμορφα μαειρεύ’ α̤τα η θεία μ’ η Ευδοξία Τραπεζουνταίοι, Κερασουνταίοι, ούλ’ παίρ’νε τηγανίζ’νε Τ’ εμέτερον οι Σουρμενίτ’ με τα πατμάνι͜α αλίζ’νε -ν- Χαψία, χαψία φατέστεν σ̌κύλ’ παιδία και ντ’ έμορφα μαειρεύ’ α̤τα η θεία μ’ η Ευδοξία
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αλίζ’νε | αλατίζουν | ||
| εμέτερον | δικός/ή/ό μου | ἡμέτερος | |
| έμορφα | όμορφα | ||
| εξέβαν | βγήκαν | ||
| έρ’τανε | έρχονται | ||
| ζίπα-ζίπα | (έκφ.) για κάτι που είναι γεμάτο μέχρι πάνω, φίσκα | زیبا (zībā=όμορφο, στολισμένο) | |
| ’ίν’νταν | γίνονται | ||
| καΐκια | μικρές βάρκες | kayık | |
| λαδόπον | λαδάκι | ||
| μαειρεύ’ | μαγειρεύει | ||
| μερακλία | με μεράκι, με ιδιαίτερο ζήλο | meraklı/merāḳ | |
| ολίγον | λίγο | ||
| ούλ’ | όλοι | ||
| παιδία | παιδιά | ||
| παίρ’νε | παίρνουν | ||
| πατμάνι͜α | μονάδα βάρους της εποχής (1 πατμάνι=6 οκάδες≈7,7 κιλά) | batman | |
| πλακίν | λίθινη πλάκα, αβαθές σκεύος μαγειρέματος | ||
| σ̌κύλ’ | (γεν.) σκύλου | ||
| στάξον | (προστ.) στάξε | ||
| τηγανίζ’νε | τηγανίζουν | ||
| φατέστεν | (προστ.) φάτε | ||
| χαψία | γαύροι | hamsi<ჰამსი |
¹ Ακούγεται πιθ. εκ παραδρομής να τραγουδάει «ζιπκα-ζιπ»
