Ακούω δύο ονόματα

Προβολή Τραγουδιού

Καλλιτέχνες: Αχιλλέας Βασιλειάδης, Βασίλης Μουρτιάδης

Ακούω δύο ονόματα,
Κωστή και Κωσταντίνε
Σα μὲσα σ’ να τυλίουμαι,
απέσ’ σην ψ̌η σ’ να κείμαι

Τρώει ο λύκον την κερβάναν
κι όλεν τον καλόν το βίον
Πόσα βραδάς εμόνασες
εμέν τον Κωσταντίνον;

Γιά έλα γιά θα έρχουμαι,
ση στράταν θ’ απαντώ σε
Τ’ ημ’σόν την ψ̌η μ’ θα δίγω σε
και μίαν ας/θα φιλώ σε

Άμε μάνα, άμε μάνα,
άμε κι αγληγόρα έλα
Τη θάλασσαν στράταν ποίσον,
τ’ αρνόπο μ’ έπαρ’ κι έλα

Κόρη, και ντ’ άγνα έτρεχα
και ντ’ άγνα εγληγόρ’να!
’Κείνον το βράδον έγρασα
τα τσ̌αρούχ̌ι͜α ντ’ εφόρ’να

Άμε, μάνα, σο χωρίον,
πούλτσον τη κυρού μ’ το βίον
Πούλτσον, φέρον με -ν- παράδες
ν’ αγοράζω ματαράδες
Ματαράδες, πιρπιλίτσ̌ι͜α
για τη χώρας τα κορίτσ̌ι͜α

Γλωσσάρι

Κείμενο	Επεξήγηση	Ετυμ. Ρίζα
αγληγόρα	(προστ.) κάνε γρήγορα, βιάσου
άμε	(προστ.) σύρε, πήγαινε
απαντώ	απαντώ, προϋπαντώ, αποκρίνομαι
απέσ’	μέσα
αρνόπο	αρνάκι, χαϊδευτική προσφώνηση γυναίκας
βίον	το βιος, το σύνολο των ζωντανών που έχει στην ιδιοκτησία του κάποιος, η περιουσία κάποιου
βραδάς	βράδια
βράδον	βράδυ
γιά	είτε, ή	ya/yā
δίγω	δίνω
εγληγόρ’να	βιαζόμουν
έγρασα	έφθαρα, έλιωσα	γράνω/γραίνω (=ροκανίζω, κατατρώγω)
εμόνασες	φιλοξένησες για διανυκτέρευση
έπαρ’	(προστ.) πάρε
έρχουμαι	έρχομαι
εφόρ’να	φορούσα
ημ’σόν	μισό/η
κείμαι	κείτομαι, ξαπλώνω
κερβάναν	αγελάδα που προπορεύεται της αγέλης, αλλά και ονομασία που δινόταν σε ζώο	kervan/kārbān=καραβάνι
κυρού	πατέρα
ματαράδες	πράγματα ευτελούς αξίας	madara<μαδαρός
μὲσα	(τα) η μέση
μίαν	μια φορά
ντ’ άγνα	τι περίεργα; τι αλλόκοτα; τι αξιοθαύμαστα;
όλεν	όλη/ο, ολόκληρη/ο
παράδες	λεφτά, χρήματα	para/pāre
πιρπιλίτσ̌ι͜α	μπιχλιμπίδια
ποίσον	(προστ.) κάνε, φτιάξε	ποιέω, ποιῶ
πούλτσον	(προστ.) πούλησε
τυλίουμαι	τυλίγομαι
φέρον	(προστ.) φέρε
χώρας	ξένος/η/ο/οι γενικά, οι/το/τα μη οικείο/α, ξενιτειάς
ψ̌η	ψυχή