Προβολή Τραγουδιού
Θάλασσα |
Αροθυμώ και τραγωδώΣτιχουργοί: Παραδοσιακό
Συνθέτες: Παραδοσιακό
Καλλιτέχνες: Δημήτρης Καρασαββίδης
Ψηλόν ραχ̌ίν εκάθουμ’νε την θάλασσαν ετέρ’να Πουλίν να έμ’νε επέτανα εσέν ν’ έρχουμ’νε επαίρ’να Χόπαλα, γιάβρι μ’, χόπαλα¹ σην καρδι͜ά μ’ ένοιξες γεράν Σην καρδι͜ά μ’ ένοιξες γεράν θ’ αποθάνω ας σην σεβντάν Θάλασσα με τα κύματα σ’ δος τ’ αρνόπο μ’ λαλίαν! Πέει ατο «αραεύ’νε σε -ν- ομμάτι͜α σεβνταλία» Χόπαλα, γιάβρι μ’, χόπαλα¹ σην καρδι͜ά μ’ ένοιξες γεράν Σην καρδι͜ά μ’ ένοιξες γεράν θ’ αποθάνω ας σην σεβντάν Ανάθεμα σε θάλασσαν ντο πας ομάλια, ομάλια Επέρες το τρυγονόπο μ’ απέσ’ ας σην εγκάλια μ’ Χόπαλα, γιάβρι μ’, χόπαλα¹ σην καρδι͜ά μ’ ένοιξες γεράν Σην καρδι͜ά μ’ ένοιξες γεράν θ’ αποθάνω ας σην σεβντάν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| απέσ’ | μέσα | ||
| αποθάνω | πεθαίνω | ||
| αραεύ’νε | ψάχνουν, αναζητούν, γυρεύουν | aramak | |
| αρνόπο | αρνάκι, χαϊδευτική προσφώνηση γυναίκας | ||
| γεράν | πληγή, τραύμα | yara | |
| γιάβρι | μωρό, μικρό, παιδί | yavru | |
| δος | δώσε | ||
| εγκάλια | αγκαλιά | ||
| εκάθουμ’νε | καθόμουν | ||
| έμ’νε | ήμουν | ||
| ένοιξες | άνοιξες | ||
| επαίρ’να | έπαιρνα | ||
| επέρες | πήρες | ||
| επέτανα | πετούσα | ||
| έρχουμ’νε | ερχόμουν | ||
| ετέρ’να | κοιτούσα | ||
| λαλίαν | λαλιά, φωνή | ||
| ομάλια | ομαλοί δρόμοι, ευθείες, πεδιάδες, ομαλά (επίρρ) | ||
| ομμάτι͜α | μάτια | ||
| πέει | (προστ.) πες | ||
| ραχ̌ίν | βουνό, ράχη | ||
| σεβνταλία | ερωτοχτυπημένα, ερωτευμένα, ερωτικά | sevdalı | |
| σεβντάν | αγάπη, έρωτα | sevda/sevdā | |
| τρυγονόπο | μικρό τρυγόνι |
¹ (τουρκ. Hoppala yavrum, hoppala) Χοροπήδηξε, γιαβρί μου, χοροπήδηξε
