Έναν τραγωδίαν, έναν ιστορίαν

Προβολή Τραγουδιού

Καλλιτέχνες: Σταυρούλα Στεφανίδου, Τάκης Ιωαννίδης

Έναν τραγωδίαν, έναν ιστορίαν
τραγωδούμε απέσ’ ση ζωήν
Τέρτα̤ και σεβντάδες ’ίν’ντανε γεράδες
και φωλά̤ζ’νε απέσ’ και σην ψ̌ην

Έναν τραγωδίαν, έναν ιστορίαν,
τη καρδία μ’ ατο βασανίζ’
Τη χαράς τα δά̤κρυ͜α ρούζ’νε σα χορτάρι͜α
και το μανουσ̌άκ’ καλοανθίζ’

Έναν τραγωδίαν, έναν ιστορίαν,
ατό απομέν’ σας ση ζωήν
’Ίνεται αιτία, ασπρύν’νε τα μαλλία
κι ο άνθρωπον φαρμάκια ατός πίν’

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
απομέν’	απομένει
ασπρύν’νε	ασπρίζουν
ατός	αυτός
γεράδες	πληγές, τραύματα	yara
’ίνεται	γίνεται
’ίν’ντανε	γίνονται
μανουσ̌άκ’	μενεξές/βιολέτα	մանուշակ (manušak)<manafšak
πίν’	πίνει
ρούζ’νε	πέφτουν
σεβντάδες	έρωτες	sevda/sevdā
τέρτα̤	καημοί, βάσανα, στενοχώριες	dert
τραγωδίαν	τραγούδι
τραγωδούμε	τραγουδάμε
φωλά̤ζ’νε	φωλιάζουν
ψ̌ην	ψυχή