Κατσάρα πογιαλίσσα

Προβολή Τραγουδιού

Λελεύω σε, λελεύω σε,
κατσάρα πογιαλίσσα
Ατώρα σα γεράματα
εξέβες σεβνταλίσσα

Κάτ’ έπαθα κι ερρώστεσα
για φίλ’ με -ν- ας λαρούμαι
Το φίλεμα σ’ έν’ γιατρικόν
ας σο κρεβάτ’ ’κι σ’κούμαι

Θα ’φτάγω άγρια, παλαλά,
θα λένε παλαλός έν’
Θα λένε ας ση σεβντάν έτον
ακόμα ’κι ’λαρώθεν

Γλωσσάρι

Κείμενο	Επεξήγηση	Ετυμ. Ρίζα
ατώρα	τώρα
έν’	είναι
εξέβες	βγήκες
ερρώστεσα	αρρώστησα
έτον	ήταν
κατσάρα	αυτή που έχει κατσαρά μαλλιά
’κι	δεν	οὐκί<οὐχί
λαρούμαι	γιατρεύομαι, θεραπεύομαι
’λαρώθεν	(ελαρώθεν) γιατρεύτηκε, θεραπεύτηκε
λελεύω	χαίρομαι
παλαλά	τρελά, τρέλες
παλαλός	τρελός, ανόητος
σεβνταλίσσα	ερωτευμένη, ερωτοχτυπημένη	sevdalı
σεβντάν	αγάπη, έρωτα	sevda/sevdā
σ’κούμαι	σηκώνομαι
φίλ’	(προστ. φιλώ) φίλα, (πληθ. φίλον) φίλοι
φίλεμα	φιλί
’φτάγω	(ευτάγω) κάνω, φτιάχνω	εὐθειάζω