Άνοιξον, κόρην, άνοιξον

Προβολή Τραγουδιού

Άνοιξον, κόρη, άνοιξον,
άνοιξον, μη κοιμάσαι
[Και -ν-] Ο Μήτον ο κεμεντζ̌ετζ̌ής
και ντό πολλά αγαπά σε;

[Και -ν-] Ετσάμωσα τ’ ομματόπα μ’
θαρρώ -ν- εσέν ελέπω
πως κείσαι σ’ εγκαλιόπο μου,
τα μαλλόπα σ’ πως πλέκω

Κορτσόπον, άλλο ’κ’ έρχουμαι,
κορτσόπον, ’κι δι͜αβαίνω
Άλλεν κουτσ̌ήν εγάπεσα
εσέν θ’ απιδι͜αβαίνω

Άνοιξον, κόρη, άνοιξον,
σην πόρτα σ’ εβραδι͜άστα
Εσύ την πόρτα σ’ ’κ’ ένοιξες
και με τα δάκρυ͜α εχπάστα

Γλωσσάρι

Κείμενο	Επεξήγηση	Ετυμ. Ρίζα
άλλεν	άλλη
άνοιξον	(προστ.) άνοιξε
απιδι͜αβαίνω	φεύγω, αφήνω πίσω, προσπερνώ, ξεπερνώ	από + διαβαίνω
δι͜αβαίνω	(για τόπο) περνώ, διασχίζω, (για χρόνο) περνώ	διαβαίνω
εβραδι͜άστα	βραδιάστηκα
εγάπεσα	αγάπησα
εγκαλιόπο	αγκαλίτσα
ελέπω	βλέπω
ένοιξες	άνοιξες
έρχουμαι	έρχομαι
ετσάμωσα	έκλεισα/σφάλισα τα μάτια μου
εχπάστα	αναχώρησα, κίνησα για
’κ’	δεν	οὐκί<οὐχί
κείσαι	κείτεσαι, ξαπλώνεις
κεμεντζ̌ετζ̌ής	λυράρης	kemençeci
’κι	δεν	οὐκί<οὐχί
κορτσόπον	κοριτσάκι
κουτσ̌ήν	κόρη
μαλλόπα	μαλλάκια
ομματόπα	ματάκια
πολλά	(επίθ.) πολλά, (επίρρ.) πολύ