Εμέν Γιωργούλη λένε με

Εμέν Γιωργούλη λένε με -ν-
κι απέσ’ ας σην Αγγίσταν
Θεία μ’, τ’ εσόν το κορτσόπον
πολλά μη τυραννί͜εις α’

Έμορφος είσαι, κορτσόπο μ’,
τερώ και ξαν τερώ σε -ν
Λόγον καν’νάν εσύ μη δί’ς,
θά ’ρχουμαι ψαλαφώ σε

Τ’ ομματόπα σ’ τα πράσινα
παρλαύ’ν’ όταν τερώ σε
Τη μάνα σ’ πέει ατο, πουλί μ’,
πολλά ντο αγαπώ σε

Τον κύρη σ’ πα εμέντσανε
σουμάδι͜α να ευτάμε
Κι αποβραδής σ’ οσπιτόπο σ’
τρανόν χαράν θ’ ευτάμε