Προβολή Τραγουδιού
Ας έ͜εις Πόντο μ’ τ’ αμάραντα σ’ |
Μνήμη γενοκτονίας ΠόντουΣτιχουργοί: Γιώργος Αμαραντίδης
Συνθέτες: Γιώργος Αμαραντίδης
Καλλιτέχνες: Γιώργος Αμαραντίδης
Ας έ͜εις, Πόντο μ’, τ’ αμάραντα σ’ με τα ψηλά τ’ ελάτι͜α σ’ Ας έ͜εις τα κρύα τα νερά σ’ με τα πεγαδομμάτι͜α σ’ Ας έ͜εις, Πόντο μ’, τ’ αμάραντα σ’, ας έ͜εις τα μοναστήρια σ’ ντ’ επέγ’νανε -ν- οι Πόντιοι σ’ όλια τα πανηγύρι͜α σ’ Πατρίδα μ’, σα ψηλά ραχ̌ι͜ά σ’ πουλόπα κελαηδούνε Πουδέν ’κι ακούνε κεμεντζ̌έν κι όλιον μοιρολογούνε Κρού’νε σο νου σ’, πώς να μην κλαις; πώς να παίρτς παρ’γορίαν; Πατρίδα μ’, ’κι ανασπάλλ’νε σε -ν οι Πόντιοι καμίαν Έκιτι τόπι͜α -ν- έμορφα πρασινοφορεμένα Κρύα νερά τρεχούμενα χορταροσ̌κεπαμένα
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αμάραντα | (επιστ. Helichrysum stoechas) τα αγριολούλουδα ελίχρυσος ο πολύτιμος | ||
| ανασπάλλ’νε | ξεχνούν | ||
| έ͜εις | έχεις | ||
| έκιτι | έκφραση αναπόλησης που υποδηλώνει νοσταλγία για κάτι παρελθοντικό | hey gidi | |
| ελάτι͜α | έλατα | ||
| έμορφα | όμορφα | ||
| επέγ’νανε | πήγαιναν | ||
| καμίαν | ποτέ | ||
| κεμεντζ̌έν | λύρα | kemençe/kemānçe | |
| ’κι | δεν | οὐκί<οὐχί | |
| κρού’νε | χτυπούν | κρούω | |
| όλια | όλα | ||
| όλιον | όλο, ολόκληρο | ||
| παίρτς | παίρνεις | ||
| παρ’γορίαν | παρηγοριά | ||
| πεγαδομμάτι͜α | πηγές νερού | ||
| πουδέν | πουθενά | ||
| πουλόπα | πουλάκια | ||
| ραχ̌ι͜ά | ράχες, βουνά | ||
| τόπι͜α | τόποι, μέρη | ||
| χορταροσ̌κεπαμένα | σκεπασμένα με χορτάρι |
