Ποντιακός Στίχος

Προβολή Τραγουδιού

Κατεβάστε τους στίχους σε PDF

Ευκλείδης

Να παίρτς τη μάνας την ευχ̌ήνΝα παίρτς τη μάνας την ευχ̌ήν

Στιχουργοί: Ιωάννης Τσορτανίδης

Συνθέτες: Ιωάννης Τσορτανίδης

Καλλιτέχνες: Πέτρος Λαζαρίδης, Σάββας Λαζαρίδης


Σκοτία πίσσα έτονε -ν-,
ο καιρόν λιβωμένον
Αφκά σο κάρο εκείτουνε -ν-
Ευκλείδης ματωμένον
Ε, μαύρε καπετάνε!

Ατός που ’κ’ εφοούτουνε -ν-
σπαθία και μαχ̌αίρι͜α
πώς έντονε και -ν- ερρούξεν
ση Χάρονος τα χ̌έρι͜α
Ε, μαύρε καπετάνε!

Ευκλείδη μ’, τα παλληκάρα̤ σ’
για τ’ εσέν πάντα λένε
Όθεν πάνε κι όθεν στέκ’νε -ν-
μοιρολογούν και κλαίνε
Ε, μαύρε καπετάνε! 

Εφτά χρόνι͜α σ’ αντάρτικα,
ση Σαντάς τα ραχ̌ία
Εφτά χρόνι͜α ετυρά̤ννιζεν
τα τουρκικά τα ψ̌ήα
Ε, μαύρε καπετάνε!
Γλωσσάρι
ΚείμενοΕπεξήγησηΕτυμ. ΡίζαΠροέλευση
ατόςαυτός
αφκάκάτω
εκείτουνεκείτονταν, ξάπλωνε
έντονεέγινε
ερρούξενέπεσε
έτονεήταν
ετυρά̤ννιζεντυραννούσε, ταλαιπωρούσε
εφοούτουνεφοβόταν
’κ’δεν οὐκί<οὐχί
λιβωμένονσυννεφιασμένο λίβος<λείβω
όθενόπου, οπουδήποτε, σε όποιον
παλληκάρα̤παλληκάρια παλληκάριον<πάλληξ, πάλλαξ
ραχ̌ίαράχες, βουνά
σκοτίασκοτάδι
σπαθίασπαθιά
στέκ’νεστέκουν
ΧάρονοςΧάρου
ψ̌ήαψυχές, η περιοχή του στέρνου, τα εσώψυχα

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15822
Επικοινωνία: infoDUMMY@pontianlyrics.gr