Το κορτσόπον ντ’ αγαπώ

Προβολή Τραγουδιού

Το κορτσόπον ντ’ αγαπώ
ατό ασ’ εμέν μικρόν
Με τα τσ̌αλούμι͜α ντ’ ευτάει
εμένα θα παλαλών’

Λάσ̌κεται ση μαχαλά
και -ν- ευτάει τα παλαλά
Εγώ όντες ελέπ’ ατεν
κι άλλο τρανόν η σεβντά μ’

Έμαθεν ατο η μάνα τ’ς
και -ν- ελλάεν η ηχρά τ’ς
Είπαν ατο οι γειτονάδες
«θα χάντς τη θα̤γατέρα σ’»

Καπαγιάτ’ σ’ εμέν μη σύρτς,
να χωρί͜εις μας ’κ’ επορείς
Θειίτσα μ’, εγώ λέγω σε
δι͜αρμένεψον την κουτσ̌ή σ’

Γλωσσάρι

Κείμενο	Επεξήγηση	Ετυμ. Ρίζα
ασ’	από
ατεν	αυτήν
γειτονάδες	γειτόνοι
δι͜αρμένεψον	(προστ.) συμβούλεψε, νουθέτησε	μσν. ὁρμηνεύω < αρχ. ἑρμηνεύω
ελέπ’	βλέπει/βλέπω
ελλάεν	άλλαξε
επορείς	μπορείς
ευτάει	κάνει, φτιάχνει	εὐθειάζω
ηχρά	χροιά, το χρώμα του δέρματος
’κ’	δεν	οὐκί<οὐχί
καπαγιάτ’	φταίξιμο, σφάλμα, έγκλημα	kabahat/ḳabāḥat
κορτσόπον	κοριτσάκι
κουτσ̌ή	κόρη
λάσ̌κεται	περιφέρεται, τριγυρνά, περιπλανιέται	ἀλάομαι/ηλάσκω
μαχαλά	γειτονιά	mahalle/maḥalle
όντες	όταν
παλαλά	τρελά, τρέλες
παλαλών’	τρελαίνει
σεβντά	αγάπη, έρωτας	sevda/sevdā
σύρτς	σέρνεις, τραβάς, ρίχνεις
τσ̌αλούμι͜α	νάζια, σκέρτσα	çalım
χάντς	χάνεις, παύεις να έχεις, διώχνεις
χωρί͜εις	χωρίζεις, ξεδιαλέγεις