Προβολή Τραγουδιού

Σον Πόντον άψιμον καίει

Σον Πόντον άψιμον καίει
κλαίνε -ν- όλοι οι Ρωμαίοι
Κουβαλούν σην εξορία
και κανείς τιδέν ’κι λέει

Τα παιδία -ν- ορφανά
χωρίς κύρ’, χωρίς μάναν
Ντο πεθάν’νε σην στράταν
[Βάι εμάς!]
σύρ’νε ατα σην θάλασσαν

Έχασαν τ’ οσπίτι͜α τουν
και τα μοναστήρι͜α τουν
όλια -ν- έκαψαν ατα
και -ν- εσόεψαν ατα

Τα παιδία -ν- ορφανά
χωρίς κύρ’, χωρίς μάναν
Ντο πεθάν’νε σην στράταν
[Βάι εμάς!]
σύρ’νε ατα σην θάλασσαν

Τον Πόντον αναστορούν’
κλαίγ’νε και μοιρολογούν’
Ο νους ατουν έν’ οπίσ’
να κλώσκουνταν ’κ’ επορούν

Τα παιδία -ν- ορφανά
χωρίς κύρ’, χωρίς μάναν
Ντο πεθάν’νε σην στράταν
[Βάι εμάς!]
σύρ’νε ατα σην θάλασσαν

Ατά ’κι ανασπάλλομε
κι ας σο νου ’κ’ εβγάλλομε
και -ν- απέσ’ σην ιστορίαν
όλι͜α πρέπ’ να γράφτομε

Τα παιδία -ν- ορφανά
χωρίς κύρ’, χωρίς μάναν
Ντο πεθάν’νε σην στράταν
[Βάι εμάς!]
σύρ’νε ατα σην θάλασσαν

Γλωσσάρι

Κείμενο	Επεξήγηση	Ετυμ. Ρίζα
ανασπάλλομε	ξεχνάμε
απέσ’	μέσα
ατά	αυτά
ατα	αυτά
ατουν	τους
άψιμον	φωτιά
έν’	είναι
επορούν	μπορούν
εσόεψαν	έκλεψαν	soymak
’κ’	δεν	ουκί<οὐχί
’κι	δεν	ουκί<οὐχί
κλαίγ’νε	κλαίνε
κλώσκουνταν	γυρίζουν, επιστρέφουν
κύρ’	πατέρα
όλια	όλα
οπίσ’	πίσω
οσπίτι͜α	σπίτια	hospitium<hospes
παιδία	παιδιά
Ρωμαίοι	οι ορθόδοξοι χριστιανοί πολίτες επί Οθωμανικής Αυτοκρατορίας
σύρ’νε	σέρνουν, τραβούν, ρίχνουν
τιδέν	τίποτα
τουν	τους