Εγώ αγαπώ τα έμορφα

Προβολή Τραγουδιού

Καλλιτέχνες: Θωμάς Μπαϊραχτάρης, Κώστας Σιώπης, Πόλυς Παυλίδης

Εγώ αγαπώ τα έμορφα
και τα μελαχρινά -ι
Ντο έχ’νε μάγ’λα κόκκινα
κι ομμάτι͜α καστανά -ι

Τα έμορφα τα κορτσόπα
και τ’ αφορισμενόπα
Εσέγκανε με στη σεβτάν
κι ασ’ το φαΐν εκόπα

Καλανταρί’ και Κουντουρί’
τ’ οφρύδι͜α κορδυλιάγουν
Τη χωρί’ μουν τα κορτσόπα
τη νύχταν χαντυλλιάγουν

Τα κορτσόπα πολλά αγαπώ
για τ’ ατά την ψ̌η μ’ χάνω
Με τα κορτσόπα θάψτε με -ν-
αρ’ όντες αποθάνω

Γλωσσάρι

Κείμενο	Επεξήγηση	Ετυμ. Ρίζα
αποθάνω	πεθαίνω
ασ’	από
ατά	αυτά
εκόπα	κόπηκα
έμορφα	όμορφα
εσέγκανε	έβαλαν
έχ’νε	έχουνε
Καλανταρί’	(γεν.) Γενάρη
κορδυλιάγουν	γίνονται κόμπος, μπλέκονται, περιπλέκονται	κορδύλη (=ρόπαλο, εξόγκωμα)
κορτσόπα	κοριτσάκια
Κουντουρί’	(γεν.) Φεβρουαρίου, Φεβρουάριο μήνα
μάγ’λα	μάγουλα	magulum
μουν	μας
ομμάτι͜α	μάτια
όντες	όταν
οφρύδι͜α	φρύδια
πολλά	(επίθ.) πολλά, (επίρρ.) πολύ
σεβτάν	αγάπη, έρωτα	sevda/sevdā
χαντυλλιάγουν	γαργαλιούνται, μτφ. θαμπώνονται
χωρί’	χωριού
ψ̌η	ψυχή