Όπως θέλω πορπατώ

Προβολή Τραγουδιού

Όντες βγαίνω σο μεϊτάν’
μανίτσα μ’, ση μαχαλάν
Τα κορτσόπα εμέν τερούν
και -ν- ευτάνε παλαλά

Ετοιμάουμαι, φορώ,
τρώγω, πίνω, τραγωδώ
Όπως θέλω πορπατώ
και κανείναν ’κι ορωτώ

Έμορφος και χοβαρτάς
τραγωδά̤νος, σεβνταλής
Παλαλούνταν για τ’ εμέν,
είμαι και κεμεντζ̌ετζ̌ής

Ετοιμάουμαι, φορώ,
τρώγω, πίνω, τραγωδώ
Όπως θέλω πορπατώ
και κανείναν ’κι ορωτώ

Τα κορτσόπα ορωτούν
«τίνος έν’ το παλληκάρ’;»
Θέλ’νε για να μασχαρεύ’νε
μετ’ εμέναν σον παρχάρ’

Ετοιμάουμαι, φορώ,
τρώγω, πίνω, τραγωδώ
Όπως θέλω πορπατώ
και κανείναν ’κι ορωτώ

Γλωσσάρι

Κείμενο	Επεξήγηση	Ετυμ. Ρίζα
έμορφος	όμορφος/η
έν’	είναι
ετοιμάουμαι	ετοιμάζομαι
ευτάνε	κάνουν, φτιάχνουν	εὐθειάζω
θέλ’νε	θέλουν
κανείναν	κανένα
κεμεντζ̌ετζ̌ής	λυράρης	kemençeci
’κι	δεν	οὐκί<οὐχί
κορτσόπα	κοριτσάκια
μασχαρεύ’νε	αστειεύονται, διακωμωδούν	maskara/masḫara
μαχαλάν	γειτονιά	mahalle/maḥalle
μεϊτάν’	πλατεία, αλάνα	meydan/meydān
μετ’	μαζί με (με αιτιατική), με (τρόπος)
όντες	όταν
ορωτούν	ρωτάνε
ορωτώ	ρωτάω
παλαλά	τρελά, τρέλες
παλαλούνταν	τρελαίνονται
παρχάρ’	ορεινός τόπος θερινής βοσκής
πορπατώ	περπατάω
σεβνταλής	ερωτοχτυπημένος, ερωτευμένος	sevdalı
τερούν	κοιτούν
τίνος	ποιού;
τραγωδά̤νος	τραγουδιστής
τραγωδώ	τραγουδάω
χοβαρτάς	άσωτος, σπάταλος, γυναικοθήρας, μοίχος	hovarda