Προβολή Τραγουδιού
Πάντα -ν- απέσ’ κέσ’ σα στράτας |
Μνήμη γενοκτονίας ΠόντουΣτιχουργοί: Γιώργος Αμαραντίδης
Συνθέτες: Γιώργος Αμαραντίδης
Καλλιτέχνες: Γιώργος Αμαραντίδης
Ας σον Πόντον σην Ρουσίαν έρημος, ξεριζωμένος κι επεκεί ξαν σην Τασκένδην πρόσφυγας κυνηγημένος Πάντα -ν- απέσ’ κέσ’ σα στράτας τ’ εμόν όλιον η ζωή Θεέ μ’, έλα έπαρ’ το ψ̌όπο μ’ κι ας έν’ ακόμαν πρωίν Απέσ’ σα άγρι͜α και σα ξένα με τα ψ̌ήα πονεμένα Τσ̌ακανίζ’νε μας σα στράτας με τα μωρά πεινασμένα Πάντα -ν- απέσ’ κέσ’ σα στράτας τ’ εμόν όλιον η ζωή Θεέ μ’, έλα έπαρ’ το ψ̌όπο μ’ κι ας έν’ ακόμαν πρωίν Θέλτς να ελέπ’ς καλόν ημέραν, ξαν έναν πρωίν, Δευτέραν, λένε μας θα φεύετεν και τ’ οσπίτι͜α θ’ αφήνετε Πάντα -ν- απέσ’ κέσ’ σα στράτας τ’ εμόν όλιον η ζωή Θεέ μ’, έλα έπαρ’ το ψ̌όπο μ’ κι ας έν’ ακόμαν πρωίν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| απέσ’ | μέσα | ||
| ελέπ’ς | βλέπεις | ||
| εμόν | δικός/ή/ό μου | ἐμοῦ | |
| έν’ | είναι | ||
| έπαρ’ | (προστ.) πάρε | ||
| επεκεί | από εκεί, από τότε, ύστερα, κατόπιν | ||
| θέλτς | θέλεις | ||
| κέσ’ | εκεί μέσα, προς τα εκεί | κέσου<κεῖσ’<κεῖσε<ἐκεῖσε | |
| ξαν | πάλι, ξανά | ||
| όλιον | όλο, ολόκληρο | ||
| οσπίτι͜α | σπίτια | hospitium<hospes | |
| Ρουσίαν | Ρωσία | ||
| στράτας | (ονομ.) δρόμοι, (αιτ.) δρόμους | ||
| τσ̌ακανίζ’νε | σέρνουν κατά γης | ||
| ψ̌ήα | ψυχές, η περιοχή του στέρνου, τα εσώψυχα | ||
| ψ̌όπο | ψυχούλα |
