Άμον αητέντς σα ψηλά

Προβολή Τραγουδιού

Άμον αητέντς σα ψηλά
εγώ πώς επέτανα!
Τα λίβι͜α και την αέρα
εγώ πώς ετόξευα!

Αντάρτης έμ’ σα ψηλά,
ση πατρίδας τα ραχ̌ι͜ά
και πώς επολέμανα
με τ’ άγρι͜α τα θερία

Τοι Τούρκ’ς επολέμανα,
αίμαν επότ’σα την γην
Όλια επήγανε χαμένα 
και -ν- εμαύρυνεν η ψ̌η μ’ 

Και για την ελευθερίαν 
εγώ επολέμεσα
Εκουράγαν τα κανάτι͜α μ’
εγώ πώς εγέρασα;

Θεέ μ’, έλα έπαρ’ το ψ̌όπο μ’
εγώ άλλο ’κ’ επορώ
Σα ξένα ξεριζωμένος 
άλλο ’κι θέλω να ζω

Γλωσσάρι

Κείμενο	Επεξήγηση	Ετυμ. Ρίζα
αητέντς	αητός
άμον	σαν, όπως, καθώς
εκουράγαν	έσπασαν, κόπηκαν στη μέση	kırmak
έμ’	ήμουν
εμαύρυνεν	μαύρισε
έπαρ’	πάρε (προστ.)
επέτανα	πετούσα
επολέμανα	πολεμούσα, μτφ. προσπαθούσα
επολέμεσα	πολέμησα, μτφ. προσπάθησα
επορώ	μπορώ
επότ’σα	πότισα
ετόξευα	έριχνα τόξο, στόχευα κάποιον/κάτι με το τόξο
θερία	θεριά, θηρία
’κ’	δεν	ουκί<οὐχί
κανάτι͜α	φτερά	kanat
’κι	δεν	ουκί<οὐχί
λίβι͜α	σύννεφα	λίβος<λείβω
όλια	όλα
ραχ̌ι͜ά	ράχες, βουνά
τοι	τους/τις
τούρκ’ς	Τούρκους
ψ̌η	ψυχή
ψ̌όπο	ψυχούλα