Το ταφί σ’ έναν κι ογδόντα

Προβολή Τραγουδιού

Καλλιτέχνες: Γιώργος Μωυσιάδης, Μιχάλης Καλιοντζίδης

Ο ουρανόν ετσ̌όκεψεν
ση θάλασσας το κύμαν
Τ’ οψάρι͜α εχορπαλάεψαν
να τρώγ’νε αστροτρίμμαν

Μαύρε, πεσ̌λι͜αεύκεσαι,
αρτούκ για περεκέτι͜α!
Κι όλια ευτάς για να χορτά͜εις
κι άλλο πολλά σκωλέκια

Τοι τουσ̌μάντς επλέθυνες
ση κανονί’ σ’ την μπούκαν
Ατσ̌ά πόσον λογαρι͜άεις
τη σκωλεκί’ τη βούκαν

Ση ζωήν ντο χ̌αίρεσαι
εείνο απομέν’
Το ταφί σ’ έναν κι ογδόντα
δύο μέτρα πα ’κι έν’

Γλωσσάρι

Κείμενο	Επεξήγηση	Ετυμ. Ρίζα
απομέν’	απομένει
αρτούκ	πλέον, τώρα πια, υπόλειμμα/περίσσευμα	artık
ατσ̌ά	άραγε	acep/ʿaceb
βούκαν	μπουκιά
εείνο	εκείνο
έν’	είναι
ετσ̌όκεψεν	κατέπεσε, επικάθησε, έκλινε υπό το βάρος	çökmek
ευτάς	κάνεις, φτιάχνεις	εὐθειάζω
’κι	δεν	οὐκί<οὐχί
κι άλλο πολλά	περισσότερο, παραπάνω
λογαρι͜άεις	λογαριάζεις, υπολογίζεις
όλια	όλα
οψάρι͜α	ψάρια	ὀψάριον < υποκορ. ὄψον (ετοιμασμένη τροφή, προσφάγι, μεζές)
πα	πάλι, επίσης, ακόμα
περεκέτι͜α	αφθονία, πλούτος, ευλογία, υλική ευτυχία	bereket
πολλά	(επίθ.) πολλά, (επίρρ.) πολύ
σκωλέκια	σκουλίκια
ταφί	τάφο
τοι	τους/τις
τουσ̌μάντς	εχθρούς	düşman/duşmān
τρώγ’νε	τρώνε
χορτά͜εις	χορταίνεις