Λαλώ, λαλώ, κανείς ’κι ακούει

Προβολή Τραγουδιού

Καλλιτέχνες: Μιχάλης Καλιοντζίδης, Νίτσα Κουρτίδου

Λαλώ, λαλώ, κανείς ’κι ακούει,
κανείς τσ̌οάπ’ ’κι δί’ με
Νύχταν ημέραν μαναχός,
έρημος πάντα είμαι

Μη κλαις, πουλόπο μ’, άδικα,
ο πόνον ’κι τελείται
Έναν καρδόπον μαναχόν
σα πόνα̤ ’κι κανείται

Να τραγωδώ πονεί η ψ̌η μ’,
να κλαίω το καρδόπο μ’
ντ’ ερρώστεσε με αγιάτρευτα
τ’ εσόν η εγάπ’, πουλόπο μ’

Γλωσσάρι

Κείμενο	Επεξήγηση	Ετυμ. Ρίζα
δί’	δίνει
εγάπ’	αγάπη
ερρώστεσε	αρρώστησε
εσόν	δικός/ή/ό σου
κανείται	φτάνει, είναι αρκετό
καρδόπο	καρδούλα
καρδόπον	καρδούλα
’κι	δεν	οὐκί<οὐχί
λαλώ	βγάζω λαλιά, καλώ, αποκαλώ, προσκαλώ, οδηγώ
μαναχόν	(έναρθρο) μοναχός, μοναχό, (επίρρ) μόνο/μοναχά
μαναχός	μοναχός, μόνος
πόνα̤	(αιτ.) πόνοι, πόνους
πουλόπο	πουλάκι
τελείται	(αμτβ.) τελειώνει, εξαντλείται, μτφ. πεθαίνει
τραγωδώ	τραγουδάω
τσ̌οάπ’	απόκριση, αναφορά	cevap/cevāb
ψ̌η	ψυχή