Χωρίς να ζω εγέρασα

Προβολή Τραγουδιού

Καλλιτέχνες: Μιχάλης Καλιοντζίδης, Νίτσα Κουρτίδου

Φογούμαι εγώ να τραγωδώ
τ’ εμά τα τραγωδίας [γιαρ]
Ομοι͜άζ’νε μοιρολόεμαν
ντ’ εβγαίν’ από καρδίας [γιαρ]

Χωρίς να ζω εγέρασα
ας σα μικρά τα χρόνα̤ μ’ [γιαρ]
Παιδίν ερνέθα τη χαράν
κι ακόμαν έχω πόνια [γιαρ]

Ψυχομαχ̌ώ κι εσέν, πουλί μ’,
τ’ ομμάτα̤ μ’ αραεύ’νε [γιαρ]
Έλα και κλείδα ’τα εσύ
και ούλ’ οι άλλ’ μη κλαίγ’νε [γιαρ]

Ωχ! ουρανέ, τα νύχτας ι-σ’
τ’ άστρα όντες φωτάζ’νε [γιαρ]
τερώ να ’βρήκω απ’ ατά
ποίον τ’ αρνί μ’ ομοι͜άζ’νε [γιαρ]

Γλωσσάρι

Κείμενο	Επεξήγηση	Ετυμ. Ρίζα
αραεύ’νε	ψάχνουν, αναζητούν, γυρεύουν	aramak
ατά	αυτά
’βρήκω	(ευρήκω) βρίσκω
γιαρ	αγαπητός/ή/ό, αγάπη	yâr
εβγαίν’	βγαίνει
εγέρασα	γέρασα
εμά	δικά μου
ερνέθα	αρνήθηκα
καρδίας	(τη, γεν.) καρδιάς, (τα, ονομ. πληθ.) καρδιές
κλαίγ’νε	κλαίνε
κλείδα	(προστ.) κλείδωσε, κλείσε
μοιρολόεμαν	μοιρολόγημα
νύχτας	(ον.πληθ.,τα) νύχτες
ομμάτα̤	μάτια
ομοι͜άζ’νε	ομοιάζουν, μοιάζουν
όντες	όταν
ούλ’	όλοι
πόνια	(ονομ.) πόνοι, (αιτ.) πόνους
τερώ	κοιτώ
τραγωδίας	τραγούδια
τραγωδώ	τραγουδάω
φογούμαι	φοβάμαι
φωτάζ’νε	φωτίζουν, λάμπουν
χρόνα̤	χρόνια
ψυχομαχ̌ώ	ψυχομαχώ, χαροπαλεύω